بيومى فؤاد: مش ندمان على كلامي في الرياض.. والحملة كانت شرسة على محمد أنور

كتبت - أميرة محمد 

لأول مرة، يعلق الفنان بيومي فؤاد خلال حواره في برنامج «حبر سري»، مع الإعلامية أسما إبراهيم، المذاع على "القاهرة والناس" على تصريحاته التي أثارت الجدل خلال موسم الرياض، بعد أزمة محمد سلام.

قائلًا: "مش ندمان على كلامي وأنا قد كلامي عشان راجل.. وأعتذر فقط عن حاجة واحدة أني قلت مش جاي أضحك، والضحك شيء جميل والكوميديا شيء صعب".

واستكمل: "لما بطلع بمسرحية بحس إني رئيس بعثة ومسؤول عن الناس بتوعنا ولكن اتشتمنا لما روحنا".

وتابع: "والحملة كانت شرسة على محمد أنور لأنه كان البديل ومكنتش بشوف الحاجات اللى على السوشيال ميديا ومحمد أنور كان بيبكي".

وأضاف: "كنا بننزل وقت الفطار والغدا والعشاء نتعشى وهو مش معانا وكنا بنسابق الزمن، وأنور كان بيعمل البروفات والأغاني والاستعراضات وعملنا بروفات يزيد عن شهر".

وأوضح: "واحنا سفراء لبلدنا بيحبونا ويحترمونا ويقدرونا لو ده كايدكم أو غايظكم".

وأشار: "لكن دي حقيقه وهما بيحبونا وده غايظ اللي بيشتمنا ويدعي علينا ادعاءات والمفروض انه مثقف".