جميلة عزيز: أنا مقدرش أفك الحجاب وأمثل وأرجع ألبسه تاني

كتبت -أميرة الصياد 

حلت الفنانة جميلة عزيز، ضيفة على الإعلامية إنجي هشام، في برنامج المنسي والذي يذاع على شاشة قناة هي، وكشفت عن فترة غيابها عن الفن لمدة 5 سنوات.

 وأكدت أن الحجاب لم يتعرض مع الفن نهائيًا، بجانب التعليق على خلع بعض الفنانات حجابهن.

وقالت جميلة عزيز : "اتعرض عليا أدوار في الـ 5 سنين غياب، وطبعًا كان في أدورا متنفعش معايا خالص علشان اتحجبت وفي أدوار تانية مكنتش تليق بيا في السن .

وأكملت : مقدرش أعمل أدوار أصغر مني في العشرينات، وأنا مقدرش أفك الحجاب وأمثل وأرجع ألبسه تاني، يعني أدوار الإغراء متنفعش.

وتابعت: الحجاب متعارضش مع الفن، وفي أفراح إبليس عملت شخصية دكتورة محجبة، وعمر الحجاب ما يتعارض مع التمثيل خالص، ما في أدوار أم وأخت وزوجة محجبة، وأنا معتزلتش الفن، والفن رسالة جميلة وكلنا بنحبها وده حلقة الوصل بينا وبين الجمهور هي أعمالنا.

 وعلقت جميلة عن خلع الحجاب لبعض الفنانات: دي وجهة نظر وهما حرين وشايفين أن ده ميسيئش ليهم، وأنا من وجهة نظري أني ممكن أمثل بالحجاب حتى لو أدواري قليلة

لكن أفك الحجاب ليه ده عهد بيني وبين ربنا أن ربنا أنقذني وكتبلي حياة جديدة، أول ما أخف أفك الحجاب؟ مينفعش ده عهد بيني وبين ربنا.