"أنا اتغدر بيا".. ريم البارودي تكشف تفاصيل جديدة عن خلافها مع ريهام سعيد

كتبت - أميرة محمد 

كشفت الفنانة ريم البارودي عن تفاصيل جديدة حول خلافها مع الإعلامية ريهام سعيد، وذلك خلال حلولها ضيفة في برنامج "العرافة" مع الإعلامية بسمة وهبة.

اتهمت ريم البارودي ريهام سعيد بالغدر بها أثناء تصوير حلقة برنامجها "صبايا"، التي ظهرت فيها ريم بعد 3 سنوات من الخلاف بينهما.

وأضافت: "ما زال فيه قضايا بيننا ومفيش عداوة تيجي بعدها محبة، واللي يقول كده يبقى كداب واحنا بنمشي ورا

أمثال غلط".

واستكملت: "دي أمثال قديمة دي مينفعش يبقى فيه كره وفي عداوة وأنا بأذيكي وأنا بكرهك وبعد كده تيجي المحبة عمرها ما تيجي محبة،

وتابعت: "لكن في محبة ييجي بعدها كره وتيجي عداوة".

وأضافت: "وجات لي عزا بابا عشان الكاميرات وعشان ريم البارودي تريند يعني".

وأكدت: "وكانت لقطة منها طبعًا ولما تلاقي حد جايلك وداخلك عزا وأنتي في وقت أنتي مش قادرة تفكري".

وتابعت: "ومبتفكريش اللي قدامك أذاك قد إيه أو حصل منه ايه، خلاص أنتي بتشوفي حد داخل عليكي فبتنسي ودي غلطتي".

واشارت: "وكان المفروض ساعتها مسلمش عليها وبعتت لي رسالة قبل ما تيجي تعزي".

واستكملت: "وقالت لي أنا عايزة أجي أعزي بس خايفة تقولي أن أنا باخد اللقطة والرسالة موجودة".

كما قال: "صورتني وأنا بدخن (أيكوس)، والمصحف الشريف ما كنت أعرف إني بتصور، ليه؟! أنا يوسف شاهين؟! فالتدخين ممنوع في أثناء تصوير المشاهد".

وتابعت: "المصحف أنا اتغدر بيا، أنا مش جديدة في الكاميرات".

كما قالت: "وفي كاميرا صورتني وأنا بنادي على المساعدين بتوعي وبقول يا فلان ويا فلان هاتوا الأيكوس".

وأضافت: "ولما وقفت الحلقة شربت الأيكوس، وهدأت شوية بس عرفت نيتها".

واشارت: "لأن اللي في القلوب باين على الوشوش، وهي ضدي، والحب والكره والحقد باين، وكملنا الحلقة".