إبراهيم سعيد: محمد صلاح مش فوق النقد.. ورضا عبد العال آخره يضحكني

كتبت: الاء الطناني

صرح إبراهيم سعيد نجم الأهلي السابق في تصريحات تليفزيونية ان محمد صلاح هو أفضل لاعب في تاريخ مصر، ولكن هذا لا يعفيه من النقد ومفيش حد فوق النقد.

وأضاف سعيد في تصريحات تلفزيونية: أنا أتكلم على أي حد مهما كان مفيش حد فوق النقد.

وكنت أول مصري دخل الدوري الإنجليزي قبل ما الناس تعرف يعني إيه دوري إنجليزي، وصلاح كان بيتفرج عليا وأنا بلعب هناك.

وأكد نجم الأهلي السابق: مفيش مقارنة بين إبراهيم سعيد ومحمد صلاح وأنا واثق في نفسي.

ومش محتاج أعمل أي حاجة عشان أكون تريند، أنا تريند قبل التريند واللي يزعل يخبط دماغه في الحيط.

وكشف إبراهيم سعيد في تصريحات تلفزيونية ان محمد صلاح لم يكن مصابا أثناء مباريات بطولة كأس أمم إفريقيا.

وبالتحديد في مباراة غانا وتابع إبراهيم سعيد بأكد على أن ده هروب من المنتخب.

وأضاف إبراهيم سعيد في تصريحاته عن إصابة قائد منتخب مصر قائلًا: جهاز نادي ليفربول ممكن يكون شخص إصابة صلاح بشكل غلط.

وواصل إبراهيم سعيد تصريحاته بأن تحركات محمد صلاح بعد الخروج من مباراة غانا، وأثناء الخروج متقولش إنه مصاب، دي حاجة رياضية مش محتاجة لدكتور كمان.

وأعلن إبراهيم سعيد في تصريحاته: لو بنافق وبطبل للناس كان بقى زماني رئيس اتحاد الكرة، مش زي ما أنا دلوقتي.

كما تحدث إبراهيم سعيد نجم الكرة المصرية السابق عن رضا عبد العال نجم الأهلي والزمالك السابق وسبب الخلافات بينهما.

وقال إبراهيم سعيد في تصريحات تلفزيونية: رضا عبد العال قدامه سنين عشان يوصل ليا ودماغه غريبة.

وأضاف إبراهيم سعيد في تصريحاته: رضا عبد العال كوميكس بالنسبة ليا.. وآخره يضحكني ومين ده عشان يشغلني.

وتابع نجم الكرة المصرية السابق: رضا عبد العال آخره 15 دقيقة في الملعب، وملعبش في منتخب مصر.

واختتم إبراهيم سعيد تصريحاته: نجوميتي هي اللي بتخليني أظهر في البرامج، لا رضا عبد العال ولا غيره.