صلاح عبد الله: النقاب كتلة من السواد ومش زي إسلامي والله أعلم

كتبت - أميرة محمد 

في لقاءه مع الإعلامية أسما إبراهيم في برنامج "حبر سري"، كشف الفنان الكبير صلاح عبدالله عن تصريحه بشأن رفضه النقاب.

قائلًا: "أنا عارف أن ده هيعمل لي مشاكل مع المتعصبين وممكن بعد كده أتراجع لكن لحد اللحظة اللي انا قاعد معاكي فيها دي".

وتابع: "يعني ايه مقدرش أميز الراجل عن ست يعني ايه مقدرش اخد بالي اللي دخل بيتي ده راجل ولا ست".

وأضاف: "ويعني مثلا الكهربا قطعت والدنيا ضلمة والاقي حد واتخض يعني لأنه كتلة من السواد".

وأشار: "عارف ان ده بيعمل حساسية وهيطلعوا يشتموني والحاجات اللي اتعودنا عليها خلاص بس مش عارف دي قناعتي".

وأوضح: "ولحد دلوقتي بالنسبة النقاب اللي هو كتلة سواد ده مش زي إسلامي والله أعلم، وصعب أوي بنت من بناتي تيجي تقولي هلبس النقاب وهرفض وهتبقى مشكلة".

وأضاف: "وهحاول أقنعها يعني اتحجبي اتحشمي أوي إلبسي الحجاب ماشي إنما كتلة السواد دي لأ وبعدين مش مربي بناتي على كده".

واستكمل: "ملتزمين ومحتشمين ومراتي برضه معاهم بحرية مش فرض ولو هحصل هحاول أقنعها بس بلاش مبالغة يعني ولو حصل هيبقى صعب عليا شوية".