دياب يوضح موقفه من أغاني المهرجانات: اعتراضي على الكلمات وليس الموسيقى

كتبت - أميرة محمد 

في تصريحات جديدة خلال حلقة برنامج "ع المسرح" على قناة الحياة، أوضح الفنان دياب موقفه من أغاني المهرجانات ومطربيها.

وقال دياب: "اعتراضي على كلمات المهرجانات وليس الموسيقى وعمري ما انتقدت الموسيقى نفسها".

وتابع: "وفرحت بقرار النقابة انهم ميغنوش بفلاشه عشان زمايلنا الموسيقيين يشتغلوا، لما انتقدت كنت بنتقض الكلمات اللي فيها عدوانية بتاعت انا هعورك".

وأضاف: "وانا عمري ماقدمت أغنيه فيها اي ايحاءات او عدوانية.. وانا مش مع منع أي نوع من الفن خالص لكن مع تصحيح المسار".

وأشار: "وحتى الاغاني اللي بنتقدها ماهي ليها جمهور مقدرش اصادر على الجمهور، لكن انا مسؤول والفن بينقل الواقع بس ماهو مش كلنا حبسجية".

واستكمل: "وانا الاغنيتين الاشهر عندي غمازات والعو مفيهاش كلمه خارجه أو اي ايحاءات حتى اغنية هاروني بوس مفيهاش اي حاجه".

كما قال: "وبتقول «وتمام جدا وعادي الماضي كان دروس وانا اكتر ناس اذوني هما اللي هاروني بوس» كلماتها دراما انا نفسي حصل معايا مواقف زي كده".