دياب: حصلي صراعات كتير في بداية مشواري لدرجة تم اضطهادي

كتبت - أميرة محمد 

في حلقة جديدة من برنامج "ع المسرح" مع الإعلامية منى عبد الوهاب، كشف الفنان والمطرب دياب عن الكثير من التفاصيل في مشواره المهني وحياته الشخصية.

وتطرق دياب خلال اللقاء إلى بعض الصراعات التي واجهها خلال بداياته الفنية، لعل أبرزها كان بسبب الواسطة.

قائلًا: "حصلي صراعات كتير في بداية مشواري لدرجة إني تم اضطهادي".

واستكمل: "كان عندي 17 سنه وروحت مسابقة في مسرح الجلاء والناس اللي بتغني كان صوتها وحش اوي تبع التليفزيون وافتكرتهم بيهزروا".

وتابع: "طلعت غنيت لقيت محدش سقفلي وفي الآخر اكتشفت انهم قرايب كلهم مع بعض وقعدت أعيط".

وأضاف: "وقولت طب مكنتوش تقولولي أجي وصعب عليا نفسي واتكسرت وخرجت من المكان مش عارف اتكلم".

وعن النقد الذي تعرض له من الصحافة قال: "اتعرضت لنقد الصحافة كتير جدا وكان نقد لازع، كان في ناس بتستضفني تقطع فيا بس أنا مبسكتش".

وأضاف: "انتوا جايبني في حلقة وشايفين الناس بتحبني يبقي بلاش تضايقني عشان هضايقك، ويقولولي الكلمات مش حلوه".

وأشار: "طب جايبني ليه في الحلقة بعد ما قولتوا احنا بنحبك ونفسنا تبقى معانا، وأتمنى يكون عندي أغاني زي غمازات والعو تاني هما الأشهر في مسيرتي الغنائية".