هالة صدقي تتحدث في "بودكاست Big time" عن حبيبها الأول 

كتبت - فاطمة عاطف

استضاف الإعلامي عمرو أديب، الفنانة هالة صدقي، في إحدى حلقات برنامجه "بودكاست Big time"، الذي يذاع على شاشة قناة MBC. 

وتحدثت الفنانة هالة صدقي خلال اللقاء عن أول قصة حب في حياتها ولماذا لم تنته نهاية سعيدة بالزواج.

وقالت "صدقي": "أول قصة حب كان شاب معايا في النادي، كانت قصة حلوة وأنا كنت صغيرة وجيه اتقدملي لكن طبعًا منفعش لاختلاف الديانة".

وأكملت: "حبيته لكن كان صعب المجتمع بتاعنا أنا وهو مكنش ينفع، كان بيجي يعدي تحت العمارة ويقف وأنا قاعدة في البلكونة بذاكر عشان يشوفني".

وتابعت :"هو كان رياضي وأنا رياضية وكان الفرق بتقعد مع بعض في النادي واتعرفنا".

كما تحدثت الفنانة هالة صدقي عن حكاية حبيب مجهول، قائلة: "كنت وقت الامتحانات أصحى أقعد أذاكر الصبح بدري في البلكونة". 

وتابعت :"وكان في راجل كبير في الدور الرابع قاعد هو كمان، كان بيجيلي جوابات غرامية بيحطها في البوسطة وأنا مش عارفة من مين". 

وأكملت :"كلها ليه بتصحي بدري أوي كده الدنيا برد عليكي، بعدها اكتشفت أنه ده جد صاحبتي اللي بيبقى قاعد في البلكونة".

وقالت:" وبعدها مات جاله نزلة برد لأنه كان بيقعد الصبح بدري في البلكونة".