هالة صدقي تتحدث عن طريقة تعاملها مع أبنائها

كتبت - فاطمة عاطف

تحدثت الفنانة هالة صدقي عن علاقتها بأبنائها خلال حلولها ضيفة على الإعلامي عمرو أديب، في إحدى حلقات برنامجه "بودكاست Big time". 

وأوضحت "صدقي" خلال اللقاء أنها تعاملهم بنفس الطريقة التي كانت تعاملها بها والدتها.

وقالت :"بتعامل مع ابني وبنتي زي ما أمي كانت بتعمل معايا، وأنا على دماغهم في كل حاجة، خاصة أن سن المراهقة صعب شوية بس أنا مفتحة عيني شوية".

وتابعت :" بالنسبة لي أنا أهم حاجة عندي ابني وبنتي يمارسوا رياضة وأنا طاحناهم رياضة علشان يطلعوا الطاقة اللي جواهم وتشغل تفكيرهم بحاجة كويسة".

وأكملت:" ابني دلوقتي بيلعب في نادي باريس سان جيرمان والكابتن بتاع الفرقة، وبنتي واخدة أحسن رياضية على مستوى الشرق الأوسط". 

كما قالت :"وابني هداف الدوري الفرنسي على مستوى الناشئين هو عمره 14 سنة".

وتابعت :" وحاولت بكل الوسائل يبقوا في السباحة بس هما ما كانوش طايقينها وفضلوا يلعبوا الكرة".

واستكملت:" أنا مش عايزة ابني يسيب الدراسة ويحترف الكرة، لإن الشهادة مهمة، هو عمال يلف على إنه يركز في الكرة وهو بيتكلم فرنساوي وإنجليزي". 

وقالت :"لاعب الكرة زي الفنان بعد الشر أي حاجة تحصل له يعني مثلًا الشهرين اللي فاتوا صباعه اتكسر وده عطله، يعني أي إصابة بتعني إن مستقبله انتهى".