جورج وسوف: مش بخبي أي فلوس لليوم الأسود

كتبت - فاطمة عاطف

حل المطرب الكبير جورج وسوف، ضيفًا على الإعلامي عمرو أديب، في برنامجه "بودكاست Big time". 

وكشف "وسوف" خلال اللقاء عن حجم ثروته، حيث قال : "أنا مفكرتش في فكرة إن أنا أحوش فلوس علشان فكرة الخوف من اليوم الأسود في الحياة". 

وتابع : "وأنا الحمد لله إن كل أيامي بيضاء، وأنا بعيش أيامي و بنبسط، بيها ومش بخبي أي فلوس لليوم الأسود". 

وأضاف "وسوف"، قائلًا :"أنا مش بحب إن أنا آكل لوحدي أنا بحب آكل و أشوف إن غيري بياكل من قبلي و أنا بصرف علشان ربنا كريم ". 

وأكمل :"وأنا مبعرفش إن أنا أحوش أو أشيل أي فلوس في غيري بيشيل ليا و بيخبي ليا". 

وعند سؤال الإعلامي عمرو أديب له باقي معاك فلوس كتير من رحلتك، رد الفنان قائلًا:" باقي معايا كتير و كتير مش فلوس بس معايا الأغلى من الفلوس اللي هي تسوى كل الدنيا و هو حب و محبة الناس". 

وتابع :"ومفيش حد بشوفه إلا وهو بيحبني أكبر مليااردير و مليونير فيها". 

وأضاف "وسوف" خلال تصريحاته قائلًا: "أنا مش بحب البنوك و الحمد لله أنا مكنش عندي فلوس في البنك و ربنا مدينا إننا نعيش عيشة هنية و كريمة والحمد لله أنا عشت و إنبسطت".