غادة عبد الرازق عن "صيد العقارب": عايدة شخصية انتقامية والعقرب صديقي

كتبت – نورهان الكردي

حلت الفنانة غادة عبد الرازق ضيفة على برنامج كلمة أخيرة، الذي تقدمه الإعلامية لميس الحديدي، المذاع على شبكة قنوات ON.

تحدثت الفنانة غادة عبد الرازق، في لقائها مع الإعلامية لميس الحديدي، عن شخصيتها في مسلسل صيد العقارب.

وقالت أن علاقة عايدة بياسين في صيد العقارب، خالفت توقعات المتابعين، وتحول شخصية عايدة إلى شخصية انتقامية قوية.

وأضافت: "مرضتش أعمل دا لأنه كان أقرب توقع للناس إني بشتغل في العقارب يبقى هاخدها واسم بيها الناس".

وتابعت: "ودا لو كان حصل هيبقى سيناريو ضعيف جدًا وهو استخدام أقرب شيء في إيدي للانتقام".

واختتمت حديثها، قائلة: "ودكتور باهر دويدار ليس كاتبًا ضعيفًا، وقلت له لابد من الخروج من دائرة الانتقام عبر وسيلة أخرى وشكل أخر مش اللي قدامنا".

وتحدثت غادة عبد الرازق، خلال لقائها مع الإعلامية لميس الحديدي، عن كواليس مشاهدها في صيد العقارب.

وقالت: "صورت المشهد في 5 دقايق بالظبط ومخوفتش والله، وأثناء التصوير العقرب طار مني ووقع ونزلت جبته على الأرض".

وأضافت: " ببص قدامي 150 فرد مفيش راجل واحد اتحرك من مكانه عشان يساعدني، بعد ما حطيته قولتلهم مش عارفة أقولكم ايه يا جماعة".

وتابعت: "بسم الله ما شاء الله شكرًا فعلًا، أنا في ضهري رجالة، مفيش واحد اتحرك كلهم خافوا، وأنا اللي نزلت جبت العقرب".

وأردفت: "العقرب صديقي الصراحة قعد معايا أسبوع".

واختتمت حديثها، قائلة: "كانوا بيعذبوه عذاب بشع استخدموا الكهرباء عشان السم ينزل من الديل بتاعه"