ميمي جمال توجه نصائح لصحة الفتيات: قلبك يبقى أبيض ومش شايلة هم

كتبت - نورهان الكردي

حلت الفنانة القديرة ميمي جمال، ضيفة على برنامج السفيرة عزيزة، وصرحت خلال حوارها ببعض التصريحات الخاصة بالفن والزواج.

تحدثت الفنانة ميمي جمال، في برنامج السفيرة عزيزة، حول غياب الفنان مصطفى درويش عن كامل العدد 1.

وقالت: "غيابه كان صعب وكنا حاطين صوره في كل حته.. وكنت لابسه سلسلة فيها صورته على طول ولما كنت بلاقي نفسي لوحدي كنت بمسكها وأقعد أبوسها".

وتطرقت الفنانة ميمي جمال، خلال لقائها إلى الزوج وعلاقته بزوجته حينما تصبح أكثر نجاحًا منه.

وعلقت: "الراجل لما بيحس إن الست أعلى، رجولته جواه بتخليه يحس إن هو أقل، يعني مثلا هل هي قايمة بمصاريف البيت أكثر منه؟ ".

وتابعت: "فالراجل تضايقه غير الست، الست المفروض لو الراجل كسب واشتغل ما هو في بيتها إنما الراجل لما يحس إن الست زادت عنه شوية ممكن برضو جواه توجعه".

وخلال لقائها تحدثت عن بعض النصائح للفتيات للإهتمام بصحتهن.

وقالت: "قلبك يبقى أبيض، تنامي على المخدة بالليل وأنتي مش شايلة هم حاجة".

وتابعت: "مفكرش في فلانة قالت وفلانة عادت، وإزاي ارد لا ماليش دعوة، النهاردة خلص بكرة يوم جديد"

وأضافت: “اللي حصل امبارح ماليش دعوة بيه اللي جاي بكرة هو اللي ربنا رايده".

واختتمت ميمي جمال حديثها، قائلة: "بكرة ييجي بحلو أو مش حلو زي ما ييجي إحنا راضيين بكل حاجة دايما الرضا بيبان على الوش".