مها الصغير تعبر عن غضبها: "بطلوا تريندات وهمية"
كتبت -أميرة الصياد
ردت الإعلامية مها الصغير اليوم على الشائعات التي انتشرت خلال الساعات الماضية حول انفصالها عن زوجها الفنان أحمد السقا في برنامجها الستات مايعرفوش يكدبو.
وقالت مها الصغير : يوم الأربعاء ناقشت موضوع زي أي موضوع أو مشكلة بناقشها بشكل يومي في البرنامج بالاتفاق مع الإعداد .
وتابعت : واتكلمت عن العلاقة الصحية بين الأزواج، وإن فيه سيدات بتكون عايشة وخلاص وأكيد فيه كتير مش كده، وكذلك فيه رجالة عايشة والسلام، وقلت إن ده موضوع بنسلط عليه الضوء ولازم نشوف له حل.
مها الصغير تعبر عن انزعاجها حول الشائعات التي انتشرت:
وأضافت مها : بلاش تاخدوا حاجات عن لساني ما قولتهاش، لأن حياتي الخاصة لا أحب أن تكون للمشاع لأن في أولاد ممكن يتأذوا.
وواصلت حديثها قائلة: ومش بس في موضوع الجواز والطلاق لأن فيه حاجات قبل كده حصلت زي مرض أحمد السقا واتقال كلام غلط وده بيأذي الأولاد.
واختتمت مها الصغير قائلة: بلاش تتوقعوا أو تستنتجوا، وأنا لو عندي حاجة عايزة أقولها هقولها عادي
وده برنامج وبطلوا تريندات وهمية على حساب ناس، ومش أنا فقط، وأي حد بيتكلم على التلفزيون بيناقش قضية وبيتكلم في حاجة معينة.