لمدة 24 ساعة.. تاليا تامر حسني مديرة أعمال صغيرة

كتبت – فاطمة عاطف 

شارك النجم تامر حسني عبر حسابه الشخصي بموقع تبادل الصور الشهير "أنستجرام"، فيديو برفقة ابنته تاليا، التي عملت كمديرة أعماله لمدة 24 ساعة.

كما نشر "حسني" فيديو وعلق عليه قائلًا: "قصة الفيديو.. اللي جنبي هو أستاذ عمرو مخرج الحفلة صاحبي وكنا في كلية إعلام مع بعض".

وتابع :"وفرحت أوي لما شوفته يومها بيخرج حدث مهم كده.. أما حبيبة قلبي تالية.. جاتلي من أول اليوم قالتلي أنا النهاردة مديرة أعمالك".

وأكمل :"وهتسمع كلامي في كل حاجة، قولتلها حاضر بس الشغل مفيهوش هزار ركزي في كل التفاصيل".

وكما قال :"قالتلي حاضر وطلعتلي البدلة اللي عجباها وجزمة ضيقه عليا بس هي صممت عليها وأنا قولت حاضر".

وأضاف تامر حسني: "اختارت لي الأغاني ورتبتهم وماشيه جانبي بقى عاملة وش الجد ومش بتهزر قال يعني كده مديرة".

وأكمل :"لحد ما اتكسفت كدة والطفلة اللي جواها اللي بموت فيها ظهرت في الضحكة.. ربنا يحفظك يا حبيبتي و يحفظ كل ولادنا".