"السيسي" يشدد على ضرورة تعليم الأبناء مجال التكنولوجيا

كتبت: أمنية فرج

أكد الرئيس عبد الفتاح السيسي، أن مجال الاتصالات وتكنولوجيا المعلومات، هو أكبر المجالات الذي يمكن للمصريين أن تعلمه لأولادها.

جاء ذلك خلال كلمته في افتتاحية مركز البيانات والحوسبة السحابية الحكومية اليوم.

وقال السيسي نصا:"ده أكبر قطاع ممكن، وبقول الكلام ده للمصريين والناس اللى بتعلم ولادها من الكلام ده، بلد فيها 106 ملايين، العنصر البشري المطلوب فيها قليل".

واستكمل الرئيس حديثه:"مصر لو عندها كوارد بشرية متقدمة وهو بيتكلم هنا عن التعهيد، ممكن أوى وما خرجتش عن المحاضرة والكلام بتاعنا".

ونوه السيسي الآباء المصريين على ضرورة تعليم أولادهم في مراكز الثانوية العامة، لكي يتعلموا المجالات التكنولوجية وتطوراتها المستمرة.

وتابع: "المجال ده عاوز مليون كل سنة.. إحنا في مصر فين؟، مضيفا "إحنا بنعمل حاجات كتير أوي وكتير من الناس البسطاء مايعرفوش".

وأضاف السيسي: "ولاد في إعدادي وابتدائي دلوقتي خليكم في اللى بنتكلم فيه على المستوي الثالث "البرمجة الحديثة" يعمل بـ 100 ألف دولار في السنة".

تجدر الإشارة إلى أن المركز هدفه تقديم التطبيقات الحرجة والمدفوعات والتطبيقات المرتبطة بالذكاء الاصطناعي وتحليل البيانات الضخمة لصناعة القرار على جميع المستويات.

كما أن سيعمل كبديل نشط لمركز البيانات الحكومي بالعاصمة الإدارية، وتطبيق تكنولوجيا الحوسبة السحابية والذكاء الاصطناعي والبيانات الضخمة في تحليل البيانات الحكومية وتحليلها.