دينا الشربيني تنهار عند حديثها عن والدها: دماغي مش مقتنعة

كتبت – نورهان الكردي

حلت الفنانة دينا الشربيني، ضيفة على برنامج كلمة أخيرة، الذي تقدمه الإعلامية لميس الحديدي، على شبكة قنوات ON الفضائية.

تحدثت الفنانة دينا الشربيني خلال حوارها التليفزيوني مع الإعلامية لميس الحديدي عن والدها الراحل.

وقالت: "لحد دلوقتي ببعتله فويس نوتس بقوله إن هو واحشني، بدعي وبقرأ قرآن وبعمل الحاجات اللي تفيده".

وتابعت: بس دماغي مش مقتنعة إن هو مش موجود لما دخلتله بعد ما اتوفى حسيت باطمئنان وسكينة".

وأضافت: "كأنه بيقولي أنا هفضل معاكي متخافيش، كنت بكلم مصطفى حسني، وقالي إن غالبا باباكي كان بيدعي ربنا يديكي السكينة دي لما هو يموت"

وتحدثت الفنانة دينا الشربيني أيضًا خلال لقائها مع الإعلامية لميس الحديدي عن والدتها الراحلة التي توفت ناتج مرض السرطان.

وقالت: "ماما بالنسبة لي حاجة كبيرة أوي لأنها طيبة وجميلة وجدعة وبتحب الضحك والهزار والحياة".

وتابعت: "مامتي فضلت متمسكة بالحياة هي جالها سرطان مرحلة رابعة، احنا عرفنا لما كان خلاص".

وأضافت: "هي كانت بتقيس حاجات وتقول لما أخف هلبس دا, وكانت خلاص وزنها حاجة و30 كيلو".

واختتمت حديثها قائلة: "يعني أي حد مش متمسك بالحياة، كان إنهار، هي فضلت لحد يوم وفاتها كانت متوقعة إن إحنا خارجين من المستشفى"

كشفت الفنانة دينا الشربيني، خلال لقائها مع الإعلامية لميس الحديدي عن جزء جديد من مسلسلها الناجح "كامل العدد 1".

وقالت: "المفروض الكُتاب هيشوفوا إزاي يتعمل بالضبط، زي ما قعدنا بعد سيزون 1، وكنا خايفين من عدم نجاح الجزء الثاني".

واختتمت دينا الشربيني حديثها، قائلة: "الاطفال عندهم قصص دائمًا مهمة وقضايا يمكن تناولها وحاسة هيلاقوا برضو اللي يتعمل بيه جزء ثالث من المسلسل ناجح".