أحمد السقا: أحب أعمل شخصية طارق بن زياد فاتح الأندلس

كتبت – فاطمة عاطف

حل النجم أحمد السقا ضيفًا على الإعلامية فاطمة مصطفى، في برنامجها "الراديو بيضحك"، الذي يذاع على الراديو 9090.

وتحدث أحمد السقا خلال اللقاء عن الشخصية التاريخية التي يتمنى تقديمها.

وقال "السقا": "أحب أعمل شخصية طارق بن زياد فاتح الأندلس، نفسي أمنية حياتي قبل ما أموت أعمله".

وتابع : "هي أمنية بس التمويل لأنه مكلف جدًا، أنا لو هعمله هعمله عشان الخطبة اللي على جبل طارق "البحر خلفكم والعدو أمامكم".

وأكمل :"لإن الدين الإسلامي مقامش على الغزو ولكن الفتح ودي معلومة إحنا محتاجين نوصلها للعالم كله بس نلاقي التمويل".

وعن رأيه في الأعمال تاريخية خاصة بعد مسلسل "الحشاشين" قال أحمد السقا: "الأعمال التاريخية هيبقى ليها فرصة كبيرة بشرط أننا منلعبش فيها".

وأضاف : "في حاجتين في الدراما مينفعش فيهم التعديل سواء الإضافة أو الحذف وهما التاريخ والدين ومينفعش نهزر فيهم لأن دا توثيق".

وأكمل : "لو اتعمل زي ما هو بأسلوب مبهر، إحنا عندنا التاريخ الحقيقي".

وكمل ذكر خلال الحلقة كواليس ظهوره في برنامج "رامز جاب من الآخر" مع رامز جلال.

وقال: "رامز دفعتي في الأكاديمية وإحنا من عمر بعض باليوم، وأبوه الله يرحمه صاحب أبويا الله يرحمه ".

وتابع : "وكانوا شغالين مع بعض في المسرح، ومش عارف ضحك عليا إزاي".

وأضاف: "هو كلمني وقال هتقف جنب أخوك، أنا عامل برنامج حواري جريء شوية".

كما قال : "وأنا اللي أقنعت باسم سمرة، وفي الآخر عملت عكس كل نصايحي له".