"السيسي" يشدد على ضرورة الحفاظ على المياه

السبت 25/مايو/2024 - 03:31 م

أوضح الرئيس عبد الفتاح السيسي، كيفية تحقيق الاستفادة من الأراضى الزراعية، حيث قال نصا "واحنا بنتكلم بنطرح طرح كلام.. لما نيجى ننزل على الأرض بنلاقى تفاصيل نتصدى لها.

350 ألف فدان قصب بالصعيد

وأضاف السيسي: "لما بنتكلم عن 350 ألف فدان فى الصعيد يزرعوا قصب.. مش اقدر أقول للناس فى الصعيد مش تزرعوا قصب.. بنفس نصف كمية المياه نقدر نزرع بنجر.. صعب تقول للى زارع قصب وخدمته أقل لكن الكمية فين؟.. يقدر يزرع 700 ألف فدان بنفس كمية المياه".

زراعة المحاصيل بنفس كمية المياه الموجودة

وتابع خلال كلمته بافتتاح عدد من المشروعات فى جنوب الوادي: "فيه فرق كبير بين طرح بالدراسات أو نقوم بإجراءات عملية لتنفيذ.. قولت الكلام من 4 سنين على موضوع القصب.. وبقول لنفسى هل غيرتوا؟.. انت مستنى لما مشكلة المياه تبقى مشكلة كبيرة وتضطر أنك تحرم من كمية المياه بنفس الحجم". وقال السيسي: "مش بحب اننا نتعامل مع الموضوع على أنه أزمة محتملة.. لازم أواجه واشتغل عليها لخد ما اخلصها.. كل الجهات المعنية والمزارعين".

القصب يستهلك الكثير من المياه

وأكد الرئيس، أن زراعة القصب تأخذ العديد المياه، مضيفا أنه لابد من زراعة البنجز أو القصب أو غيره بنفس كمية المياه التي توجد لدينا. وتابع: "عاوز اطلع كمية المياه بتوع 350 ألف فدان.. او اعمل لها معالجة محطة صرف زراعي.. المحطة تتكلف مليارات والتشغيل يتكلف مليارات.. بقول الكلام ده احنا بنقعد فى الإعلام وحتى فى الجلسات لا نتكلم عن القضايا بتاعتنا وازاى تتحول إلى أفكار ونقنع الناس بيها.. 350 ألف فدان قمح". واستكمل "مش بس كده الرى بالغمر.. مش بنظم رى حديثة فى محاولة للزراعة يبقى من الأول نحط كل النظم لاستخدام أقل حجم مياه من الإنتاج". وتابع: "عاوز بأقل كمية مياه أطلع أكبر إنتاج لمحاصيل وبالتالي لازم الاستفادة من حجم المياه الموجودة". وشدد الرئيس على أهمية على الحفاظ والترشيد في استهلاك اى كمية مياه وعدم إهدار كميات مهما كانت قليلة من المياه. كما دعا "السيسي"، كافة المستثمرين في مصر، للمشاركة في جميع المشروعات الزراعية التي تقوم بها الدولة.