"السيسي" يعرب عن شكره للقائمين على المشروعات التنموية بجنوب الوادي

السبت 25/مايو/2024 - 04:53 م

أعرب الرئيس "عبدالفتاح السيسي"، عن شكره لكافة القائمين على المشروعات التنموية في محافظة جنوب الوادي وكل أجهزة الدولة المختلفة. جاء ذلك خلال افتتاح عدد من المشروعات الي شهدها الرئيس عبر خاصية الفيديو من داخل مركز المنارة للمؤتمرات الدولية.

رحلات لرجال الإعلام وشباب الجامعة

وقال السيسي نصا: "كان ممكن نطلع المشوار.. التفاصيل كتير والتكلفة هتكون كتير.. ممكن نعمل رحلات لرجال الإعلام وشباب الجامعة يطلع يشوف الكلام ده على الأرض".

شكر خاص للقائمين على المشروعات

واستكمل "مرة ثانية بأشكر كل الجهات والقائمين على المشروع وبنقول لهم من فضلكم نستمر بمعدلات أكثر من كده.. كل فدان يدخل الخدمة يوفر إنتاج أكثر لصالحنا.. وبالتالي نصل إلى الحد الأقصى اللى ممكن الدولة توفره فيما أتاحه الله سبحانه وتعالي لينا". وتمنى "السيسي" أن تكون الجلسة القادمة خاصة بإفتتاح عدد من المشروعات في مجال الزراعة فى محافظة سيناء.

الاستثمارات في كافة المجاات

وتابع: "الاستثمارات فى مجال الزراعة، الدولة مش مجال واحد تعليم وصحة وزراعة وصناعة، لما نيجى نتكلم عن دولة قوامها 106 ملايين، ده عاوز أعباء مالية ضخمة". وأوضح السيسي، أن الدولة فى النهاية "موازنة"، مضيفا: "أنت النهارده مش عاوز تيجى تمس حاجة الغلبان عاوز تساعد من غير ما تؤذيه". وأضاف: " لو الرغيف النهارده بـ 3 أو 4 أو 5 جنيه، فيه ناس تقدر تشتريه، بس مش كل الناس تقدر تشترى كده، فلازم نكون متفهمين لأن الدولة فى النهاية موازنة وطاقتها المالية كدة".

السيسي يفتتح عدد من المحاور

تجدر الإشارة أن السيسي، شهد افتتاح محور الدكتور الراحل “هشام عرفات“، وذلك عبر خاصية الفيديو ، وبحضور لفيف من الوزراء والمسئولين. كما شهد افتتاح محور اللواء سمير فرج، ومحور الدكتور محمد سيد طنطاوي، ومحور الشيخ محمد صديق المنشاوي، ومحور الدكتور جمال حمدان.