السيسي: الدولة حرصت بشكل كبير على تطوير قطاع السكة الحديد
قال الرئيس عبد الفتاح السيسي أن الدولة حرصت بشكل كبير على تطوير قطاع السكة الحديد بشكل كامل، متابعا: "نجيب حال السكة الحديد في مصر.. سواء محطات أو خطوط أو وحدات.. بنتكلم عن القطاع كله أهمل وأهمل ده مش عيب.. دي كانت ظروف بتمر بها البلد.. نعملها وتبقي الظروف الاقتصادية صعبة ولا مش بعملها.. دي تالت مرة اقولها".
كلمة الرئيس خلال افتتاح محطة قطارات صعيد مصر
وأضاف السيسي خلال كلمته في افتتاح مشروعات جديدة في قطاع النقل منها محطة قطارات الصعيد في بشتيل: "كنا عارفين أن فيه معاناة بسبب اللى بنعمله.. نفضل زي ما إحنا والبلد تكون بلا مستقبل.. لا لينا ولا أبنائها والاحفاد مش يلاقوا حاجة.. دي أساسيات لا يمكن إغفالها أو تأجليها ابدا.. يادوب بنحط الدولة علي الخط.. الدكتور مصطفي مدبولي بيقولي "أول الطريق".. أمال إحنا كنا فين".
وقال السيسي: "لما تعايشنا مع حالنا على مدى السنين اللى فاتت تصورنا أن ده الطبيعي.. وده مكنشي طبيعي خالص بأي حال.. وإحنا منعرفشي كمسئولين أمام الله اللى هيحاسبنا أننا نبقي فاهمين حاجة ومش بنعملها ونكون خايفين على أن الناس تقول ظلمونا وتعبونا.. لا إحنا بنتعب لأجل بكرة".
ودعا السيسي، المستثمرين ورجال الصناعة للنظر إلى المنتجات التي يتم استيرادها والعمل على توطينها.
وقال السيسي: "نبني من أجل توفير مستقبل أفضل.. والإنفاق الكبير في قطاع النقل كان ضرورياً".
محطة قطارات صعيد مصر
وتعد محطة قطارات صعيد مصر أو ما يطلق عليها محطة قطارات بشتيل الجديدة، تابعة لـ بشتيل في محافظة الجيزة، إذ تم اختيار مكان المحطة لتكون قريبة من مختلف خطوط شبكة النقل في مصر، سواء المحاور والكباري أو الأتوبيس الترددي أو مترو الأنفاق وربطها بشبكة القطارات الكهربائية ووسائل النقل الأخرى.
وتتميز المحطة الجديدة ببشتيل، بباقة من الخدمات من بينها المول التجاري والجراجات، ومساحة هذه المحطة ما يقرب من 57 فدانا، أي تبلغ 3 أضعاف محطة رمسيس، وتشمل ورش للجرارات والعربات ومخازن وجراج ومول تجاري وأجزاء استثمارية ومجموعة من العمارات في مسير السكك الحديدية القديمة يشكل نشاط إداري وتجاري وسكني.
تنفيذ محطة قطارات صعيد مصر
وكانت وزارة النقل برئاسة الفريق كامل الوزير استطاعت أن تتمكن من تنفيذ محطة قطارات صعيد مصر بشتيل الجديدة وهو أضخم مشروعات النقل في الشرق الأوسط، حيث تم إقامة المحطة على مساحة 239 ألف م2، بما يعادل نحو 57 فدانًا، لتفوق بذلك مساحة محطة رمسيس بالقاهرة بـ3 أضعاف.
