تامر حسني يدعم هيثم سعيد بعد قرار الاعتزال

أبدى الفنان تامر حسني دعمه الكامل لهيثم سعيد بعد إعلانه المفاجئ عن اعتزاله الفن.

ووجه تامر حسني رسالة  له عبر إنستجرام، معربًا عن حزنه لقرار هيثم سعيد وأكد على تفهمه لمشاعره.

حيث قال: «حبيبي هيثم أنا أكيد أزعل لما أشوف فنان جميل زيك يصيبه اليأس بالشكل ده أنا فاهمك وحاسس بيك كويس».

واستكمل: «طبعا محدش عارف داخليات الناس وأنا ممكن أبقى مش عارف إيه اللي خلاك وصلت لكده رغم إن في ناس من جيلنا كملوا وصبروا وكان عندهم شغف وإصرار على النجاح كبير، أنت عارف أنا شوفت إيه من حروب».

وأضاف: «بس كملت واتحديت الظروف مش عارف أقولك ليه مصممتش ولا أقولك متزعلش على اللي أنا معرفش عنه حاجة ربنا بس العالم بيك وعالم أنت شوفت إيه وحسيت بإيه».

وتابع: «نصيحة ليك برضه أدرس التوزيع الموسيقي عشان تعمل مزيكتك بنفسك، وجايز تبقى مؤسسة كبيرة في يوم من الأيام بتصنع مزيكا ليك ولغيرك وتقدم ناس مع شطارتك كمطرب ولو حسيت بأي صعوبة».

وأردف: "أرجع وكلنا حواليك إن شاء الله وأنا جنبك وجنبك من دلوقتي لو حابب ترجع ونحط خطط جديدة للشغل وتقف تاني من جديد أنت فنان جميل، وشکل جمیل ومحترم وتستحق كل خير.. فكر يا صاحبي وأنا بعون الله معاك».

وفي وقت سابق نشر الفنان تامر حسني ديو غنائي يجمعه بوالده، حسني شريف عباس. وعلق تامر على المنشور، متحدثاً عن حبه وتقديره لوالده، وكيف أثّر على مسيرته الفنية.

حيث كتب تامر حسني على موقع التواصل الاجتماعي " إنستجرام": "أبويا حبيبي اتغرب غصب عنه وبعدنا سنين وسنين، بس عمري ما نسيت إن هو السبب في وجودي والسبب في موهبتي".

وتابع: "كان بيغني زمان وكان مطرب عظيم بس مكملش لظروف نفسية سيئة مع أعداء النجاح وظروف صحية من عند ربنا".

وأستكمل: "أبويا قال الحمدلله عشان كده انتقمتله وأخدتله حقه من حلمه اللي مكملش، وبعون الله حققتهوله وكملتهوله ونص".

وأضاف: "ثانيا الأغنية دي يمكن مأخدتش حقها في النجاح عشان كده غنيناها في برنامج رحلة صعود في 2014 لأن كلامها فعلا بيعبر عن حال الدنيا الفترة دي والناس اللي بتجبرها الظروف إنها تتغرب وتعيش بعيد عن أهاليها".

وأردف: "يارب رجع كل غايب لأهله ولولاده ولناسه يارب شدة وتزول من على وطنّا يارب يارب يارب اللهم آمين".

أخر أعمال تامر حسني

يذكر أن أخر أعمال تامر حسني فيلم "ريستارت"، وشاركه في البطولة الفنانة هنا الزاهد.

وفي وقت سايق نشر النجم تامر حسني عبر موقع التواصل "إنستجرام" مقطع فيديو من كواليس فيلمه الجديد "ريستارت".

ويظهر الفيديو تامر حسني وهو يقود جيت سكي وسط أمواج البحر في مدينة الجونة.

وعلق تامر حسني على الفيديو، قائلًا: "صباح الفل عالكل، شوية تمرينات عالصبح عشان بعض مشاهد الفيلم في البحر".

أبطال فيلم "ريستارت"

ويشارك في بطولة المسلسل كل من تامر حسني، هنا الزاهد، باسم سمرة، ومحمد ثروت، سيد أسامة «ميكا»، وجاري التعاقد مع باقي أبطاله في الفترة الحالية.

والفيلم من تأليف أيمن بهجت قمر وإخراج سارة وفيق.

أغنية "30 حياة"

وقدم تامر حسني أغنية جديدة تحمل بعنوان "30 حياة" من كلماته وألحان مودي منير وتوزيع كريم أسامة.

وشارك تامر حسني في هذه الأغنية مع الموهبة الشابة مها فتوني، التي اكتشفها تامر خلال الفترة الأخيرة.