شيرين عادل تدافع عن رامي صبري بعد هجوم ويجز

دخلت الفنانة شيرين عادل على خط الجدل الذي أثير بين زوجها الفنان رامي صبري ومغني الراب ويجز.

بعد الهجوم الذي شنّه ويجز على رامي صبري، نشرت شيرين عادل جزء من حديث رامي صبري عبر حسابها على إنستجرام، دافعت فيه عن زوجها وأكدت أنها لن تتسامح مع أي هجوم عليه.

وكتبت شيرين على الفيديو: "ده جزء من الحلقة اللى رامي أتكلم فيها عن الراب.. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني".

وتابعت: "أولاً رامي اتسال سؤال في برنامج ورد وعنده كل الصلاحية لأى رد أو إجابة على أي سؤال يعني مفيش اي مانع يخلي رامي لما يتسأل سؤال ميجاوبش وثانيا رامي صبري ده يا حضرت فنان من أهم الفنانين فى الوطن العربي ومن أهم الأصوات ده لو حضرتك مش معانا في مجال المزيكا".

وتابعت: "وبعدين والله يا ريت رامي عنده الوقت بتاع حضرتك الفاضى اوى بتاع ٥ شهور فاضى يا ريت كنا نتمنى".


واستكملت: "أما بقى موضوع رامي رقم كام ده هو الحقيقة مش شاغل بال رامى أوي بس لو حضرتك شايف إن رامي رقم 19 مع الأسف الشديد لازم أقول لحضرتك تبقى أنت مش موجود على الخريطة من الأساس".

وأضافت: "أغنية واحدة من رامي صبري واحدة بس تعمل تاريخ لناس، محتاج تذاكر كويس وتعرف انت بتتكلم عن مين".

وأرفت: "قبل ما تتكلم لأنك واضح إنك عندك شغل تانى غير المزيكا لأنك لو جوة الشغلانة كنت مش هتقول ولا كلمة من الكلام دة علشان الناس متضحكش عليك لأنك اتكلتم عن فنان بجد مش جاى يهزر".

وأنهت كلامها قائلة: "وأخيراً لما تحب تعمل داعية لأغنيتك الجديدة ابعد عن اسم رامى صبرى أنا عارفة إن اسمه ممكن يخلى الأغنية ترند بس حاول الأغنية بتاعتك الجديدة تعتمد فيها على نفسك".

هجوم ويجز على رامي صبري

تصاعدت حدة الجدل في الوسط الفني بعد الهجوم الشديد الذي شنّه مغني الراب الشهير ويجز على الفنان رامي صبري.

جاء ذلك ردًا على تصريحات رامي صبري الأخيرة حول موسيقى الراب ومطربيها خلال ظهوره في برنامج "حبر سري".

هاجم ويجز صبري عبر حسابه على إنستجرام، معربًا عن استيائه من تصريحات الأخير التي وصفها بـ"السخرية" من مطربي الراب.

كتب ويجز: "هتكلم على فنان فاكر إنه عنده الصلاحية إنه يطلع يتكلم عن أي حد في أي وقت والناس تسمع وتسكت.. الفنان دا اسمه رامي والفنان دا كل ما بيقعد من 4 لـ 5 شهور ويزهق ويطلع يتكلم على بتوع الراب في التليفزيون".

وأضاف ويجز: "هتتكلم امتى على بتوع البوب اللى أنت منهم واللى في مجالك.. أنا شايف إنك مبتفهمش في الراب حاجة زى ما أنت قولت قبل كدة ومش هتعرف تعمله وأنت كده مبتقدرش الفنانين".

واستكمل: "وفاكر إن هما عايزين يوصلولك وهما أصلًا معدينك بكتير أنت رقم 19 يا رامي أنت بعيد أوي".

آخر أعمال ويجز

ويذكر أن أخر أعمال ويجز، خلال الفترة الماضية أحدث أعماله الغنائية بعنوان: «العربي أصلي»، وذلك عبر موقع الفيديوهات «يوتيوب» ومختلف المنصات الرقمية.

أخر أعمال رامي صبري

قدم الفنان رامي صبري تتر مسلسل "تيتا زوزو" بطولة النجمة إسعاد يونس.

حيث نشر مقطع من الأغنية وكتب عليه: "أهلي أهلي عيلتي وناسي بمسي يا بختي من ساسي لراسي، أهلي أهلي.. تتر مسلسل تيتا زوزو دلوقتي كاملة على يوتيوب، كلمات منة عدلي القيعي، ألحان عزيز الشافعي، توزيع وميكس وماستر أمين نبيل، جيتار وبزق أحمد حسين، أكورديون وائل النجار".

أغنية "أنا جامد كده كده"

وفي وقت سابق طرح الفنان رامي صبري أغنية "أنا جامد كده كده" عبر قناته الرسمية على يوتيوب ومنصات الموسيقى الرقمية.

والأغنية من كلمات تامر حسين، وألحان رامي صبري، وتوزيع جلال حمداوي، ومكس وماستر جلال حمداوي، أركورديون وائل النجار، وجيتار أحمد حسين.

وكلمات اغنية "أنا جامد كده كده" هي:

"بتحب أنت تضحكني، هاتسبني هتفرق أيه، جاي تشككني في نفسي، بقى ده كلام يترد عليه، إن أنت تقول هتسبني، اهي دي لوحدها إيفيه، اسمعني هاقولك ايه".

يضم الألبوم  مجموعة من الأغاني، منها "كداب" و "على بالي" و "فيها أيه" و "كنا معدين" و "ما بتحصليش كتير".

ويذكر أن طرح النجم رامي صبري ألبوم "النهايات أخلاق".

وتحمل الأغنية الأولى من الألبوم اسم "النهايات أخلاق"، وهي الأغنية الرئيسية للألبوم.

وهي من كلمات أحمد جابر وألحان محمد شحاتة وتوزيع مكس ماستر وسام عبد المنعم وجيتار شريف فهمي ووتريات تامر غنيم.

والأغنية الثانية تحمل اسم "بين الحيطان"، من كلمات عمرو المصري وألحان وتوزيع ومكس وماستر عمرو الخضري وجيتار مصطفى نصر.

أما الأغنية الثالثة فهي "حلفتك بالليالي"، من كلمات عمرو المصري وألحان عمرو الشاذلي وتوزيع مكس وماستر عمرو الخضري وتشيلو إيهاب سمير وجيتار مصطفى نصر.