كزبرة يرد على سخرية محمد رمضان: بتحاول تطلع صورتي وحشة

بعد أن هدأ الخلاف بينهما، عاد الفنان كزبرة ليرد على سخرية زميله محمد رمضان منه.

وقد بدأ الخلاف مجدداً بعد أن احتفل كزبرة بعرض فيلمه الجديد "الحريفة" بعد سؤاله عن هل هناك خلاف مع محمد رمضان ليرد قائلاً: "حبيبى لو زعلان البحر هناك مليان".

وعندما وجه  أحد الأشخاص بسؤال محمد رمضان أثناء حضوره بمقر سينما راديو في وسط البلد، عن كزبرة، رد عليه محمد رمضان قائلاً: "إحنا هنا في مكتبة مش في محل عطارة"

دفعت هذه التصريحات كزبرة للتعبير عن حزنه من هذه المواقف عبر حسابه على موقع التواصل الاجتماعي "فيسبوك"، قائلاً: "والله يا جماعة الكلام ده نفسي أقوله من بدري بس حاسس إن وقته، أنا مش عارف ليه كل ما أنجح في ناس بتحاول تطلع صورتي وحشة".

وتابع: "أنا بجد نفسيًا مبقتش قادر وبقالي فترة كبيرة كل لما أعمل حاجة حلوة مبقتش عارف اتبسط بيها ونفسيًا مش أحسن حاجة، وربنا اللي عالم الواحد كل اللي يهمه أنه يقدم حاجة تعجبكم وتسعدكم".

واستكمل: "بس في ناس بتتعامل مع اللي بيقدم حاجة كوميدية على أساس أنه شخص تافه مش موهوب، والواحد عشان بيتعامل بطبيعته ومش بيتصنع بتحاولوا تشوفوا إزاي تطلعوا في عيب قدام جمهوره وإخواته اللي بيحبوه".

واستكمل كزبرة: "زي ما بيتنسب ليا كلام مقلتهوش أو يتقلل مني بحاجات قديمة عملتها وأحيانًا بتوصل للتريقة على اسمي بمجرد ما يعمل حاجة حلوة وتعجبهم".

وأشار: "أنا مش عارف ليه وده السبب اللي بيخلي إنسان طيب أول لما ينجح يتحول لإنسان عنده نقص وعنده حرب مع كل اللي حوليه، زي ناس كتير نجحت وبقوا بيتعاملوا بنرجسية عشان يعرفوا يتعاملوا مع الواقع".

وأضاف: "أنا يا جماعة مش عايز أوصل للمرحلة دي، أنا عايز أبقى إنسان طيب وفي حالي وأشتغل على نفسي وأقدم لكم فن يعجبكم ويبسطكم، هو ده هدفي فبلاش تتعاملوا مع الواحد بأسلوب هو مش حابه،".

وتابع: "وشكرًا لكل واحد بيدعمني من قلبه وأي حد بيحب اللي بقدمه أو حتى بينقده بأسلوب كويس، أنتم اللي تهموني وشكرًا".

وأضاف: "في الآخر في قصص نجاح ملهمة كتير تستاهل الناس تتكلم عنها ممكن تفيد الناس أكتر من قصة أحمد بحر كزبرة".

واستكمل: "وإزاي وصل لهنا، وهكون أسعد كتير لو كان التركيز على شغلي مش على شخصي، سواء بالإيجاب أو بالسلب علشان أتعلم وأطور نفسي في اللي جاي".

أخر أعمال محمد رمضان

وشارك محمد رمضان في فيلم جديد "أسد أسود"، ويشارك في بطولة الفيلم كل من خالد الصاوى، ماجد الكداونى، وشريف سلامة.

وتقدم البطولة النسائية الفنانة اللبنانية رزان جمال، ومن السودان تعاقدت الشركة مع كلا من اسلام مبارك ، محمود السراجى.

مسلسل "جعفر العمدة"

وشارك محمد رمضان في بطولة مسلسل "جعفر العمدة" الذى تم عرضه فى رمضان 2023.

والمسلسل من بطولة كل من محمد رمضان، زينة، هالة صدقى، إيمان العاصى، مى كساب، منة فضالى، أحمد داش، منذر رياحنة، عصام السقا.

إلى جانب فريدة سيف النصر، مجدى بدر، أحمد فهيم، فتوح أحمد سلوى عثمان، فريدة سيف النصر، طارق النهرى، أحمد عبد الله.

والمسلسل من تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب سعدى – جوهر.

مسلسل "البرنس"

وشارك أحمد داش في بطولة مسلسل «البرنس» وشاركه في البطولة كل من محمد رمضان، نور اللبنانية، روجينا، أحمد زاهر، نجلاء بدر، إدوارد، دنيا عبدالعزيز، عبدالعزيز مخيون.

بالإضافة إلى ريم سامى، سلوى عثمان، محمد علاء، صفاء الطوخى، محمد حاتم، رحاب الجمل، حازم إيهاب، أحمد داش، أنعام الجريتلى وعدد آخر من الفنانين، والمسلسل تأليف وإخراج محمد سامى.

وتدور أحداثه في إطار شعبى حول صراع الإخوة بعد وفاة الأب.