زيزو: جاتنى عروض كبيرة وجمهور الزمالك سبب تمسكى بالنادى

سألت الفنانة والإعلامية إسعاد يونس أحمد سيد زيزو، لاعب فريق الزمالك، والمنتخب القومى، سؤلاً قائلة هو ليه جمهور الأهلي بيحبك؟، فرد زيزو:" الحمد لله، هما مشفوش منى حاجة وحشة".

تصريحات زيزو مع صاحبة السعادة

وأضاف أحمد سيد زيزو خلال لقاءه ببرنامج "صاحبة السعادة" الذى تقدمه ، على قناة dmc، بعامل الناس على حسب تربيتى ومبحبش أسف على حد أو أعمل حاجة علشان جمهور الزمالك يتبسط بيا".

تابع أحمد سيد زيزو: "ببادل الجمهور فى الشارع بنفس الاحترام لانى مشفتش منهم حاجة وحشة، وانا ببقى عاوز أعيش فى سلام لاحد يتكلم عليا لا بالكويس ولا بالوحش، وأهلى علمونى احترم الناس، و بركز فى شغلى علشان الناس تحبنى".

أحمد زيزو: أهلى علمونى أحب الناس ومش عاوز حد يتكلم عنى وحش

قال أحمد سيد زيزو، لاعب فريق الزمالك، والمنتخب القومى، مببصش على الرسائل الخاصة بصفحتى على السوشيال ميديا، ومدتش الباسوورد الخاص بتليفونى مش مع مراتى، لكن معايا الباسوورد بتاعها".

وأضاف أحمد سيد زيزو خلال لقاءه ببرنامج "صاحبة السعادة" الذى تقدمه الفنانة والإعلامية إسعاد يونس، على قناة dmc، الناس بتحبنى علشان مشفوش منى حاجة وحشة وبعاملهم على حسب تربيتى ومبحبش أسف على حد أو أعمل حاجة علشان جمهور الزمالك يتبسط بيا".

زيزو :الزمالك وجمهوره صنع شعبيتى واتصدمت فى حفل جوائز الكاف

تحدث أحمد سيد زيزو، لاعب فريق الزمالك، والمنتخب القومى، عن مشاركته فى حفل جوائز الكاف لتتويجه كأحسن لاعب فى أفريقا، قائلا:"واحد كلمنى علشان أترشح لأكون أحسن لاعب فى القارة، موضحا أن الجائزة مكنتش فارقة معايا لكن الفارق اللى معايا إن اسم الزمالك يتذكر فى حفل التتويج، وأن صاحب الجائزة هو زيزو لاعب الزمالك".

وأضاف أحمد سيد زيزو خلال لقائه ببرنامج "صاحبة السعادة" الذى تقدمه الفنانة والإعلامية إسعاد يونس، على قناة dmc، كنت مهيىء لأن أكون أحسن لاعب زملكاى فى أفريقا، واتصدمت لما مسمعتش اسمى".

تابع أحمد سيد زيزو، الجمهور اتكلم كتير عنى انى مخدتش الجايزة، وكان فى ناس من برة الزمالك كانت زعلانة إنى مخدتش الجايزة، واللى شفته من جمهور الزمالك نسانى الزعل".

أوضح سيد زيزو:"عندى عقد فى نادى الزمالك هكمله ومش عارف بعدها هعمل إيه، وخلينا ندى كل حاجة حجمها وأى حاجة هنتفق فيها مع النادى مش هنختلف، والزمالك صنع شعبيتى، وبدين الفضل له ولجمهوره، وبيهم اسمى أترشح لأحسن لاعب فى أفريقيا، عشت أحسن 5 سنين فى حياتى مع النادى".

زيزو: "الزمالك ادانى كل حاجة والجمهور سبب تمسكى بالنادى"

قال أحمد سيد زيزو، لاعب فريق الزمالك، والمنتخب القومى، :"الكورة شغلانة ولازم نعرف إيه اللى ممكن نعمله علشان تكون لاعب كويس، وبالتالى اللاعب لازم يعمل كل حاجة تساعده علشان يكون لاعب محترف، لأنه كل واحد منا بياخد فترة قليلة من اللعب فى حياته لأنه مش موظف".

وأضاف أحمد سيد زيزو خلال لقائه ببرنامج "صاحبة السعادة" الذى تقدمه الفنانة والإعلامية إسعاد يونس، على قناة dmc، أن التعلق بالجمهور بيخلى الواحد يضحى بالاحتراف، وانا واخد كل حاجة فى الزمالك ومتعلق بالجمهور وهو السبب الرئيسى اللى مخلينى قاعد فى النادى".

تابع أحمد سيد زيزو، الإنتماء للنادى بيأثر، وجاتنى عروض كبيرة، وفى الآخر بفكر فى الجمهور، ولو ضحى النادى بيا بشوف مستقبلى".

وعن تجربة محمد صلاح نجم فريق ليفربول قال:"علشان أكون زى صلاح محتاج أكون ولد رؤوى يعنى احترف من بدرى، وعلشان كده صلاح طلع الدورى الإنجليزى بدرى، ومرموش نفس الكلام وسعيد بتواجده فى أكبر الأندية فى العالم وفخور بيه، وكلنا اصحاب واخوات، وبنتواصل مع بعض خارج المنتخب".