في ذكرى مولده.. تعرف على رأي شعبان عبد الرحيم في أغاني المهرجانات

كتبت - رانيا أبو خديجة

يتزامن اليوم الخميس 16 من الشهر الجاري، ذكرى ميلاد الراحل شعبان عبد الرحيم، والذي عُرف باللون غنائي خاص به، حيث ظل طوال مشواره بنفس الأداء واللحن.

وتحدث شعبان عبد الرحيم سابقاً عن مطربي المهرجانات، والذي كان ظهورهم يعد ظاهرة حينها، وكشف عن رأيه في شخصهم وما يقدموا.

وقال: "العيال بتوع المهرجانات بيشربوا إستروكس وفودو، وبيقلعوا وفى إيديهم السنج، ولو كشفنا عليهم هنلاقي عليهم قضايا".

وأضاف: "العيال دي بتقول يا إما نجيب توك توك أو نعمل مهرجان، يجيب التوك التوك ما ينجحش يقوم عامل مهرجان ويتخانق مع أهله عشان ياخد فلوس يغني بيها".

وتابع قائلاً: "دلوقتي كل اللي معاه 500 جنيه بقى يعمل أغنية ويذيعها في محطات مش محترمة، الواد من دول يطلع يرقص عريان وماسك مطواة في إيده".

ولا ينسى شعبان الدفاع عن الأغنية الشعبية قائلاً "الشعبي طول عمره محترم والدليل محمد رشدي وأحمد عدوية وعبد المطلب، لكن أغاني المهرجانات مينفعش تخش البيوت، ميصحش واحد يقول أزقه زقة وأطلع أجري، ده مش شعبي".