عمرو عبد العزيز لـ أحمد عيد: دور مالوش أي علاقة بشخصيتك

كتب- حميد محمد 

حرص الفنان عمرو عبد العزيز، على تهنئة الفنان أحمد عيد، بعد تألقه في مسلسله الرمضاني الجديد "عملة نادرة"، الذي يعرض حصريا ضمن السباق الرمضاني الحالي 2023. 

ونشر الفنان عمرو عبد العزيز، صورة للفنان أحمد عيد، عبر حسابه الرسمي على مواقع التواصل الاجتماعي "فيس بوك"، وعلق عليها قائلا: "بصراحة عايز أشكر الأول المخرج محمد العدل اللي فكر برة الصندوق وجاب الفنان أحمد عيد في هذا الدور لأنه أكيد سمع من اللي حواليه عيد ممثل كوميدي.. لا طبعا مينفعش". 

وأضاف عمرو:"استحالة عيد يعمل الدور حلو.. وكلام من اللي يكسر المقاديف ده بس عشان مفيش حاجة أسمها ممثل كوميدي وممثل تراجيدى.. في ممثل حلو وممثل مالوش فيها". 

وتابع عبد العزيز: "الشكر التاني.. أحمد عيد بجد مبروك على المذاكرة الجامدة والدور الحلو قوي اللي أنت عامله وعودة قوية بدور مالوش أي علاقه بشخصيتك الحقيقيه". 

واختتم عمرو، رسالته قائلا: "ملحوظة.. أنا ماليش مصلحة لا مع المخرج ولا مع أحمد عيد بس بفرح لما بلاقى حد بيفكر في ممثل بره الصندوق".