"جنتلمان شعبي".. محمد سامي يشيد بأداء محمد رمضان في "جعفر العمدة"
كتبت-زينب سعيد
صرح المخرج محمد سامي خلال حواره مع برنامج et بالعربي، عن النجاحات التي يحققها النجم محمد رمضان وآخرها في مسلسل "جعفر العمدة".
ووصف محمد سامي محمد رمضان بأنه "أشطر ممثل في مصر" وقال:
"بيني أنا ومحمد رمضان كيميا واستيعاب أفكار بعض مش كل الممثلين أقدر أطلب منهم نفس الطلبات اللي بطلب من رمضان"
واستكمل حديثه:"أنا معايا ممثل بالشكل دا بكتب وأنا مرتاح ومحمد بيجد معايا الحاجة اللي بيبحث عنها".
وكشف كواليس التحضيرات لمسلسل "جعفر العمدة" وقال:
"محمد رمضان شخصية "جنتلمان شعبي" وكنت ببني شخص على فكرة التناقضات وهو فيه العادات اللي تخلي الناس تتوحد مع الشخصية".
وتابع: اتصلت بمحمد مرة قبل التصوير بأسبوع قولتله لو "جعفر" متقدمش بطريقة يتحب ويدخل القلوب مش هينجح.
وأوضح: "محمد رمضان أشطر ممثل في مصر ومش عايز حد يبقى زعلان من اللي بقوله لكن الحقيقة محمد قدراته التمثيلية مش عادية"
واستكمل سامي"في ممثلين كتير وكلهم لا يستهان بهم لكن هبقى دايما منحاز لرمضان لأن أكبر نجاحاتي معاه".
واختتم محمد سامي أن نجاح مسلسل "جعفر العمدة" لم يكن صدفة بل هو نتاج مجهود عدد كبير من العاملين فيه.