أثناء حفلها بدبي.. سقوط شيرين عبد الوهاب على المسرح يشعل السوشيال ميديا

كتبت-زينب سعيد

تداول رواد التواصل الإجتماعي بعض الصور التي تعرضت فيها النجمة شيرين عبد الوهاب لموقف محرج أثناء إحيائها لحفل غنائي في دبي في كوكاكولا إيرينا.

وسقطت شيرين بشكل مفاجئ على المسرح، وتسارعت فرقتها الموسيقية لسندها وإيقافها من جديد.

وقالت فور وقوفها: "عشان المنظمين مش بيتعلموا، المفروض السماعات تكون تحت مش على المسرح عشان نعرف نمشي، بكرة السوشيال ميديا هتمسك في لحظة وقوعي على المسرح.. بس ميقعش إلا الشاطر".

ومازحت الفنانة جمهورها، قائلة: "شوفوا رجلي ازرقت إزاي.. هطلب تعويض كبير يلا خلينا نؤمن مستقبل العيال".

وقدمت شيرين في الحفل مجموعة كبيرة من أشهر أغانيها مثل: "على بالي" و"كدة يا قلبي" و"المترو" و"الوتر الحساس"، ولاقى الحفل إعجاب الحضور وتفاعلهم.

وقالت شيرين مداعبة جمهورها: "وحشتوني، خلاص شوشو رجعت، مش هغيب عنكو تاني أبدا".