بسمة بوسيل تتصدر التريند.."الحمد لله الذي أنقذني من سوء الاختيار"

كتبت-زينب سعيد

أثارت الفنانة المغربية بسمة بوسيل، خلال الساعات الماضية جدلاً واسعاً بعدما هاجمت هالة عمر مديرة أعمال طليقها الفنان تامر حسني.

واتهمت مديرة أعمال الفنان تامر حسني بالتسبب في خراب بيتها وانهيار اسرتها وذلك بعد انفصال الثنائي للمرة الخامسة والأخيرة.

-تعرف على رحلة بسمة بوسيل مع تامر حسني من "كشكول رسائل المحبة" إلى "الحمد لله الذي أنقذني من سوء الاختيار":

نشرت من جديدة بسمة بوسيل رسالة مثيرة للجدل عقب ظهور طليقها الفنان تامر حسني في زفاف مديرة أعماله هالة عمر.

وكتبت عبر خاصية القصص المصورة مقولة جاء فيها "ويخشى الله عليك من سوء اختيارك فينتشلهم من حياتك فتيأس لسوء ظنك انه ابتلاك لتعلم بعدها انه نجاك".

وكانت الفنانة المغربية بسمة بوسيل قد هاجمت مديرة أعمال طليقها الفنان تامر حسني هالة عمر ليلة زفافها الذي أقيم مؤخرا.

وعبر خاصية القصص المصورة على Instagram، نشرت بسمة بوسيل صورة تامر حسني مع مديرة أعماله في زفافها وعلقت "حسبي الله ونعم الوكيل فيكي يا هالة".

وأوضحت في ي ستوري أخرى: "احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك".

جاء ذلك بعد أن نشر تامر حسني فيديو عبر Instagram من زفاف مديرة أعماله وكتب:

"لكل اللي بيسأل عن وجة القرابة بيني وبين العروسة الجميلة دي، شايف اسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها".

وتابع: لما سافرت إسكندرية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة.

وأضاف: وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنامش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها، وأناقولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب.

واستكمل: فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب أديها مني أنا عشان والدها ووالدتها توفاهم الله.

واختتم: ومن اللحظه دي اتحولت هالة لبنتي الكبيرة بجد.. اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله.