صاحبة الفستان الأزرق توجه رسالة لمجهول: حسبي الله ونعم الوكيل فيك

كتبت - مي علوش  

تداول رواد مواقع التواصل الاجتماعي في الفترة الأخيرة، انتشار فيديو لـ فتاة ترقص بعفوية شديدة في فرح صديقتها، وتعرضت لانتقادات شديدة من مستخدمي مواقع التواصل الاجتماعي.

والجدير ذكره تحدثت ياسمين صاحبة فيديو رقص فتاة الفستان الأزرق عن المعاناة التي تعرضت لها، بعد انتشار الفيديو الشهير لها وهي ترقص في فرح صديقتها، وذلك خلال مداخلتها في برنامج 90 دقيقة.

واوضحت ياسمين ، أنا بجد مش مسامحة أي حد اتكلم في حقي وفي عرضي، وحسبي الله ونعم الوكيل في اللي نزل الفيديو، واللي طلعوا عليا شائعات وكلام مش كويس.

وقالت أنا بقيت مكسوفة أنزل الشارع، وانا كنت في فرح صاحبتي مش بعمل حاجة غلط، و90% من اللي واقفين كانوا ستات، والفرح كان عائلي، وناس قالت عليا رايحة تجيب عريس، والناس مش متخيلة الوجع اللي أنا ووالدتي استحملناه، ومينفعش حد يحكم على تاني بالطريقة دي.

واضافت.. أما بالنسبة لموضوع زواجها وطلاقها بسبب الفيديو المنتشر قالت ياسمين: أنا مش متزوجة، وأدرس في كلية الآداب بقسم الآثار في جامعة المنصورة، وتعرضت لإساءات في الجامعة بسبب الفيديو، ومكنتش عاوزة أكمل امتحانات.

وقالت: والدة العروسة ووالدتي قرايب، وأنا معرفش مين إلي صور الفيديو، وعملت بلاغ أول ما الفيديو اتنشر، وإن شاء الله حقي هيرجع.

وفي نهاية حديثها وجهت ياسمين رسالة للشخص الذي تسبب في نشر الفيديو قائلة، حسبي الله ونعم الوكيل فيك، ويبتليك في أعز ما ليك، وربنا هينتقم منه بطريقته،وأنا ماليش غير ربنا.