إيمي زكريا تفتح النار على صناع "حريم كريم".. خالد سرحان يرد

كتب - سعيد أيمن

تحدث الفنان خالد سرحان ورد على التصريحات الاخيرة للفنانة إيمي ابنة الفنان الراحل طلعت زكريا، والتي هاجمت فكرة تقديم جزء ثاني من فيلم حريم كريم وبدء تصويره بعد وفاة والدها.

قال خالد سرحان: "إيمي طلعت زكريا بتغير على والدها وإحنا كلنا بنحبه هي بتقول إزاي تعملوا الفيلم من غيره، عايز أقولها هو كان هيبقى موجود بس القدر وربنا عايز كدا، كنا نتمنى إنه يكون موجود بس دي بتاعت ربنا".

وعلق على فيلم حريم كريم 2 قائلاً: "هو فيلم كوميدي به حدوتة حلوة جدًا وأن شاء الله يعجب الجمهور".

وانتقدت إيمي طلعت زكريا إنتاج فيلم حريم كريم 2، وذلك بعد قرار إنتاج جزء ثاني من الفيلم، بعد وفاة والدها مطالبةً بابتكار أفكار جديدة بدلًا من إنتاج جزء ثاني.

ونشرت إيمي طلعت زكريا عبر حسابها على فيسبوك، الآتي: "مع احترامي وتقديري لكل صناع العمل ليه لما يكون عندنا عمل ناجح مصممين نقضي عليه بأجزاء تانية بعد سنين طويلة خصوصًا إنه بيكون ناجح بأبطاله الأساسيين اللي معظمهم مش موجودين في الجزء الجديد، ليه مش بنبتكر أفكار جديدة تعمل عمل ناجح وأقوى من ده، مفيش حد بديل لحد".