تامر حسني يكشف عن رأيه حول إستنساخ الأصوات

كتبت - مرام اللبان 

تحدث النجم تامر حسني، عن رأيه في تقنية الذكاء الإصطناعي، في ظل انتشاره مؤخرًا، كاشفًا الجانب الإيجابي والسلبي. 

ونشر تامر حسني مقطع فيديو أستخدم فيه صوته عن طريق الذكاء الاصطناعي لـ غناء أغنية مش قادر لـ الفنان سامو زين.

 وكتب تامر: "الجانب الجميل في الذكاء الاصطناعي إنه عمل اللي الفنانين مش بيعملوه مع بعض وقرب جماهير فنانين لبعض".

أضاف: "لما بيسمعوا أغاني مطربينهم بـ أصوات مطربين تانيين، ربنا يقربنا من بعض كده زي الذكاء الإصطناعي ما عمل كده من نفسه".

وأكد تامر حسني: "بس أتمنى من بعض الملحنين محدش يستخدم صوت فنان في لحن منزلش وينزله هو عشان ممكن الفنان لو سمعه قبل ما ينزل يحبه ويغنيه". 

أشار: "ولما الملحن ينزله بـ صوت الفنان ومن وراه بيبقى أولا مش حركة احترافية والفنان أكيد هياخد موقف كبير من الملحن. 

أتمّ تامر حسني: "اللي عمل كده ومش هيتعامل معاه تاني لعدم أمانته وغير كده بيبقى لحن إتحرق ولا يمكن يتغنى".