بعد غياب دام 14 عام عن الوسط الفني.. إيناس الدغيدي تكشف السبب
كتبت - فاطمة ثروت
كشفت المخرجة إيناس الدغيدي، عن سبب غيابها عن السينما لمدة 14 عام، مؤكدة أنها لا تريد العودة إلا بعمل جريء أو تكلفته مرتفعة، يثير اهتمام الجميع.
وقالت إيناس الدغيدي: "نفسي أقدم عمل مميز جدًا مش عادي ولا تقليدي لأن مشواري في آخره مش هقلل منه، يا أعمل حاجة تضيف لمشواري يا بلاش".
وواصلت المخرجة إيناس الدغيدي: "المنتجين بيستسهلوا والموضوعات مش متكلفة وبسيطة، وأنا مش هقدم إلا عمل جريء أو تكلفته عالية وللأسف الاتنين مرفوضين".
وأردفت الدغيدي: "إحنا أقدم من شاهد ونتفليكس، ولازم إحنا كمان يكون عندنا الحرية خاصة، إن لما بيكون فيه حرية كبيرة في الكتابة والأفكار بيكون فيه ثراء".
وأكدت إيناس الدغيدي على: "أنه لازم يكون فيه جرأة في تناول موضوعات دينية وسياسية وغريزية، ونناقشها بحرية أكبر، لكن بيبعدوا عن الدين".
وأختتمت الدغيدي: "المنتجين بيخافوا، وطول عمر الرقابة صعبة، ولكن النهاردة المنتجين مستسلمين ولو المنتجين والمخرجين حاربوا هيعرفوا ياخدوا حرية أكبر شوية".