إسماعيل فرغلي: "كنت بصلي وأنا مكسوف ادعي لربنا".. تفاصيل إصابته بورم في الأحبال الصوتية

كتبت - فاطمة ثروت

كشف الفنان إسماعيل فرغلي في تصريحات تلفزيونية له، عن تفاصيل مرضه خلال الآونة الأخيرة، حيث تعرض للإصابه بورم في الأحبال الصوتية، وذلك خلال تصويره لمسلسل "مكتوب عليا" لأكرم حسني.

وقال إسماعيل فرغلي: "جالي ورم في زوري وربنا نجاني منه، كان على أحبالي الصوتية، ووقتها كنت بصور مسلسل مكتوب عليا".

وتابع فرغلي: "روحت لدكتور صحبي قالي أنت كويس بس في حباية صغيرة بس طالعة، وقالي أشوف الغدة، وعملت إشاعة على الغدة وقالوا في وشي ورم ولازم تشيله".

وأضاف: "قولت إني بصور مسلسل قالولي حياتك ولا المسلسل، فربنا كرمني بدكتور محترم قالي خلص مسلسلك وعيد ونعملها، لما دخلت المستشفى قولت لمراتي مفيش مخلوق يقولي سلامتك ولاحد يكلمني سبيني مع اللي خلقني".

وواصل إسماعيل فرغلي: "قالوا لي الورم كبير على الأحبال الصوتية، فلو مفيش دكتور كويس الأحبال الصوتية ممكن تتشال، ولما فوقت من العملية كنت خايف أتكلم ملقيش صوتي".

وأختتم: "قولت الحمد لله وأنا مكنتش أعرف صوتي راح ولا طلع ولا إيه لحد بعدها بأسبوع، بنشوف المرض ده طلع حميد الحمد لله، وكنت بصلي وأنا مكسوف ادعي بقول لربنا كفاية اللي أنت عملته معايا".