غصبوني أقول محترم في الفيديو.. ريم طارق تفتح النيران على حسن شاكوش

كتبت - مرام اللبان  

اوضحت ريم طارق، طليقة مطرب المهرجانات حسن شاكوش تفاصيل أزمتها، بعدما أعلن كلًا منهما إنتهاء الخلافات بينهما، إذ أكدت أنه لم يفِ بوعده وإتفاقه بـ إعطائها حقوقها القانونية.

وقالت ريم طارق من خلال حوار تليفزيوني: "كنت مستاءة جدًا إني مش عارفة آخد هدومي، لأني مشيت من البيت من خمس شهور وما خدتش حاجتي".

واكدت ريم: "وعملت تمكين علشان أعرف آخد حاجتي ما عرفتش، وما كانش فارق معايا حقوقي القانونية ولكن كل اللي كان فارق معايا حاجتي الشخصية".

واكملت ريم طارق: "أهل الخير توسطوا وحاولوا يحلوا الخلاف، وفي البداية قالوا لي أني غلطت وأني شهرت بيه ولازم اعتذر في فيديو". 

واضافت ريم: "قلت لهم لا أنا لما اطلقت قلت إن الطرف التاني عنده مشكلة ومش هرجع في أي كلمة لأني عندي الأدلة وأسباب الطلاق الرئيسية مش هتراجع فيها، وأي أسباب مش هتكلم عنها أو إنها ما حصلتش لأنها حصلت".

واكملت ريم: "قالوا ليا لازم تقولي إنه محترم في الفيديو، قلت هقول محترم على أساس ده رماني بعد 55 يوم جواز، وبعد 4 أيام من الجواز قال لي مش عاوزها وقال لـ طرف تالت يقول إني مريضة، وأصريت إني هقول خدت حاجتي فقط".

واوضحت: "أنهم توصلوا في نهاية الأمر إلى تقديم إعتذار له، وتأكيد أنها تسلمت كامل حقوقها، مشيرة إلى أنها ذهبت لـ الفيلا وأخذت أشيائها الخاصة من هناك".

وقالت ريم: "بعد كثير من المهاترات من قبل حسن شاكوش وفي نهاية الأمر تفاجأت أن حسن نشر الفيديو دون أن تحصل على حقوقها المالية".

واكدت ريم: "حسن شاكوش في الفيديو اللي نزلوا بيعلن فيه إنتهاء الخلاف بينا كان بيتسفزني ولابس بيجامتي وبعت لي رسالة أنه إنتصر وقال ليا محدش هيصدقك تاني".

واختمت: "لكن محدش بينتصر على ولية وكلي يقين إن حقي هاخده منه، واللعبة اللي عملها من يومين هتترد ليه، لأنه ما التزمش بـ الإتفاق وما أدنيش حقوقي القانونية اللي إتفقنا عليها".