ليموريا ؟.. الكاتبة “خلود مصطفي” في حوار مفتوح مع القارئ نيوز
حوار - مي علوش
كيف بدأت مسيرتكِ في عالم الكتابة؟
كنت بحاول أكتب خواطر في البداية.. بس اتأخر قرار اني انزل معرض الكتاب ده.. محستش اني استحقه بسهولة..
اخدت وقتي لاكتر من سنتين عشان اقدر اقرر القرار ده.. والحمدلله نزلت اول معرض سنة ٢٠٢٠ برواية "بما تبقى من الروح.."
وبعدها كتبت "بإحدى ليالي نوڤمبر"
ثم "لام ألف"
وأخرهم "ليموريا"
ما نوع كتابكِ الأول
كانت رواية رومانسية بتدور حول صعوبات بنت وحيدة في الغربة
هل حقق الكتاب النجاح المنتظر منكِ؟
الرواية الأخيرة حققت نجاح كبير الحمدلله.. مكنتش متوقعاه
هل تنتظرين مقابل مادي من هذه الموهبة؟
الكتابة نعمة من عند ربنا، مش بيمن بيها على أي حد.. مظنش ان في حد ممكن ينتظر مقابل مادي من حاجة بيعملها بحب وشغف..
لكن أكيد الواحد بس يحب يتقدر.
كيف ستكون فكرة العمل القادم؟
فكرته تشويقية جدًا.. هتبقى من أقوى وأصعب رواياتي.. ان شاء الله هينزل في معرض الكتاب القادم على خير.
في نهاية الحوار.. ما هو طموح خلود مصطفي
طموحي ان أسيب أثر، إني كلماتي تفضل وتعيش.. إني أقدر أعبر عن اللي جوا الناس اللي مش بيقدروا يعملوا ده