تعرف على موعد ومكان عزاء أحمد سامى العدل
كتبت - فاطمة عاطف
يقام اليوم الإثنين الموافق 2 أكتوبر، عزاء الممثل والمخرج الشاب "أحمد سامي العدل"، نجل الفنان الراحل "سامي العدل"،
ويكون ذلك بعد صلاة المغرب من مسجد الشرطة بالشيخ زايد.
وتحدثت "رشا سامى العدل" عن الساعات الأخيرة فى حياة شقيقها الراحل "أحمد"، الذى رحل عن عالمنا صباح أمس.
حيث كتبت "رشا" عبر حسابها بموقع التواصل الاجتماعي "فيسبوك" :
"قاعدين علي البحر في دهب في ساعة غروب بنضحك و بنعيط سوا و نشتكي لبعض
قد ايه ابونا وحشنا و قد ايه الحياة من غيره صعبة فضفضنا لبعض ووعدنا بعض بحاجات كتير".
وأكملت : "رجع القاهرة علي وعد بلقاء قريب نتجمع فيه تاني ... و جيه اللقاء بعد مكالمة تليفون الحقي اخوكي تعبان في المستشفي
جريت عليه لقيت التعب و الألم زايدين علي عمره عمرين مش عارف يتنفس و كلامه بصعوبه
قعدت اكلمه و اضحكه و أحاول اهون عليه شوية و اسيبه يرتاح شوية ".
وقالت :"في عز محاولاتي نقله لمستشفي تانية فقد نبض قلبه لثواني قدامي اتخضيت الدكاترة طمنوني و قالوا مفيش حاجة اهو زي الفل
بس قلبي وجعني و لقيتني بقول له عايزاك تسبح و تقول الشهادة معايا و تفضل تقول كل القرآن اللي انت حافظه يا دوبك لفيت ظهرى
و لسة هاخرج اشوف موضوع الإسعاف و نقله لقيت دكاترة و ممرضين في كل حتة حوالين احمد بيحاولوا ينعشوه ٣٨ دقيقة علي الساعة
محاولات و انا واقفة قدامه قلبي بيتقطع و روحي انا بتطلع مني ماسكة في خيط امل من الدخان
اتقطع ب اخر نفس منه .... و راح أحمد ، اخويا الصغير الطيب الحنين الهادي ".