"كنا عاوزينك تقول بتدعم فلسطين مش كلام تريحنا بيه وخلاص" كريم العدل ينتقد محمد صلاح

كتبت- بسملة محمد

 انتشر فيديو للاعب محمد صلاح نجم ليفربول ومنتخب مصر، مساء أمس، وهو يتحدث عن القضية الفلسطينية، بعدما انتظره الشعب المصري والعربي أن يتحدث على القضية لأنه الوحيد القادر على وصول ثوت مصر بسبب ما يمتلكه من متابعين، لكنه فعل ما لم ينتظره الشعب المصري بشكل كامل.

لذالك تعرض صلاح للهجوم والانتقادات الكثيرة من قبل الشعب المصري، وكان على رأسهم المخرج كريم العدل، الذي انتقد صلاح بشكل مباشر عبر حسابه على الانستجرام.

حيث كتب كريم على حسابه بموقع انستجرام: "لازم تبقى فاهم أن احنا لما كنا بنقول لك اطلع اتكلم مكناش عايزينك تتكلم علشان تقول لهم أنك تدين وتشجب ماكناش عايزين تقولهم أنه صعبان عليك الأطفال ومكناش عايزينك تتكلم علشان تريحنا وخلاص".

وتابع: "احنا كنا عايزينك تقول بالفم المليان أنا بدعم الشعب الفلسطيني ضد دولة الاحتلال قاتلة الأطفال تقول أن في ابادة جماعية بتحصل لشعب فلسطين تقول أن قطع المياة والكهرباء والاكل وكل اللي بيحصل دة جرايم حرب كنا عايزينك تتكلم وانت ماسك علم فلسطين".

وأضاف: " اقولك بلاش كل دة كان كل طموحنا أنك تحط علم فلسطين في profile picture على كل وسائل التواصل الاجتماعي علشان يشوفوها ال60 مليون فلوراللي عندك زي عمرو دياب مثلا ما هو مطلعش اتكلم ولا كتب حاجة بس حاطط علم فلسطين منور على حساباته على السوشيال ميديا".

واختتم حديثه قائلاً: "وعموما شكر الله سعيكم يا سيدي ومتقولش حاجة تاني بقى".