ويجز.. محدش يجي يكلمنا أن أمريكا دولة ديموقراطية

كتبت - أميرة محمد 

قال المغني الراب المصري ويجز في تصريحات له، إن أمريكا ليست دولة ديموقراطية، جاءت تصريحات ويجز في مقابلة ليتحدث عن القضيه الفلسطينية حيث قال.

"من وجهة نظري مافيش حد يجي يكلمنا بقى أن أمريكا بلد حرية وديموقراطية وبتاع، لا لا، بالعكس، انت بس بتحطني على خط أنا لازم امشي عليه عشان تبقى هي دي الحرية، وأول ما أطلع براه يبقى هو دا مش حرية ولا حاجة، نفس الحاجة أنت بتخاف من الناس المختلفة عنك، وبتخاف من أشكال الحياة اللي ممكن ماتبقاش واخدة نفس الشكل بتاعك".

وتابع: يعني الـ CIA مش عارفة، وأنا اللي عارف إيه اللي بيحصل في غزة؟! لا هما مليون في المية عارفين اللي بيحصل في غزة، واللي بيحصل في غزة معمول حسابه ومعمول له خطة والجو جميل يعني، الناس دي عارفة كويس هي بتعمل ايه، وأدام الناس كلها، دا اللي أنا بتكلم فيه أنا دوري بقى كبني آدم إيه؟

وأضاف: أنا دوري أن أنا أوصل صوتي، وأتكلم وأقول على فكرة احنا مش مغيبين أو عبط عشان نبقى عارفين أو حاجة زي دي تعدي علينا عادي.وعن دور الإعلام الأمريكي في تغييب الرأي العام، قال: “طبعا في ناس بتتفرج عليه ومصدقاه، فتغيب يعني أكيد، ما تقوليش آه غارات على غزة، وفي الآخر تجيب لي بيت واقف واخد طلقتين، يعني دا مش البيت اللي اتقصف، ودي مش الصورة الحقيقية. 

قام ويجز بالمشاركة في تظاهرات في الولايات المتحدة الأمريكية منددة بالعدوان الإسرائيلي الأخير على غزة.

ونشر ويجز مقطع فيديو على حسابه على موقع التواصل الاجتماعي فيسبوك، ينقل فيه أجواء المظاهرة، قائلا: "إحنا لسه نازلين الشارع في أمريكا، نيويورك سيتي قافلين محطة مترو كبيرة وكل الناس جوا، والظباط جايبين 90 ألف عربية ومنعوا الناس تدخل علشان بقت زحمة".