علا غانم: فيلم أولاد حريم كريم أفضل من الجزء الأول

كتبت: نرمين شعيب

حضرت علا غانم، الفنانة المصرية كضيفة في برنامج إذاعي، وتحدثت عن تجربتها في فيلمها الجديد أولاد حريم كريم، وقامت بالتعليق على أزمة الناقد الفني طارق الشناوي والفنان مصطفى قمر.

أبرز تصريحات علا غانم

ونرصد لكم في السطور التالية أبرز تصريحات علا غانم:-

أولًا: يعتبر فيلم أولاد حريم كريم أفضل من الجزء الأول حريم كريم، نظرًا لأنه يتناول مواضيع أكثر شمولًا وأعمق، ويقدم الفيلم جيلًا جديدًا ويستعرض مشاكل الأجيال الحالية والسابقة.

•ثانيًا: البشر محتاجة تطبطب على بعض أكثر من كده، حتى لو هقول لحد أنت مش عامل حاجة واو ولكن متجرحهوش، وبعيدًا عن النقد اللي بيتقال.. أنا شايفة صفة عمالة تتفحل من وقت الثورة وشايفة إننا كمجتمع قاسيين جدًا على بعض ومابقيناش رحماء مع بعض أبدًا ومبقاش في حد بينتقي الألفاظ وبقينا جارحين لبعض أوي، مع إننا المفروض نكون لُطاف.

•ثالثًا: خلاص العامل الزمني حط بصمته على الوجوه؛ لذلك فكرة الفليم بعد 18 سنة أننا كبرنا فمكنش في ميك آب محتاجين نعمله.

•رابعًا: بسبب الكيميا ما بينا في كواليس فيلمم حريم كريم الدنيا كانت هادية، ودلوقت كبرنا 18 سنة ودا مخلينا نتخطى حاجات صغيرة كان ممكن توقفنا، عندنا استيعاب للأمور أكتر.

•خامسًا: لما يتقال دول جار عليهم الزمن ومش مطلوبين، دا تكسير للنفسية مش نقد خالص، لازم نكون لطاف مع بعض أكتر من كدا.