عمرو أديب.. لماذا لا نقاطع الموبايلات والأدوية المستوردة؟

كتبت - أميرة محمد 

رفض الإعلامي عمرو أديب الدعوة لمقاطعة المنتجات الاجنبية، وذلك خلال برنامجه "الحكاية" على قناة "إم بي سي مصر".

وخلال برنامجه "الحكاية"، قال أديب: شركات ماكدونالدز وستاربكس متأثرتش بالحملات لكن الأسهم بتاعتهم طالعه، لكن اللي بيحصل إن الشركات اللي في مصر مش هتدفع ضرايب ولا نور وكهربا علشان الخسارة ملايين في الارض وكل دا عشان مين؟!

وأضاف أديب: "والموبايل ليه محدش بيستغنى عنه والأدوية المستوردة والبنزين اللي عاملين عليه مناحة 20% منه مستورد بنستورد البنزين من برة لكن هو المنظر مش هروح ستاربكس وهو مين كان بيروح ستاربكس أصلا؟!... هل مستعدين تكملوا للآخر، محدش هياخد مننا حاجة".

وتابع عمرو اديب: "الخبر الجيد هو أن المقاطعة تسير بشكل جيد، موضحًا أن هناك حالة من الإحساس من المسؤولية".

وأضاف: "أن الخبر السيئ هو أن هذه المقاطعة لم تصل لأصحابها، موضحًا أن تأثير المقاطعة على الشركات الأجنبية الأم رمزى، ولكن الذى يتأثر بها بشكل كبير هو المواطن المصري".

تابع عمرو أديب: "المبيعات قلت في شركات ومطاعم فبالتالي هيمشوا ناس والغلابة منهم والناس دي بتمشي ومبترجعش تاني والكلام ذا بيحصل في وضع اقتصادي مؤلم وفي ناس كانت بتشتغل بالمكافأة والبقشيش الناس دي مين هيقف جنبهم الدولة متقدرش لأن دي اخر مشاكله".

وتأتي تصريحات أديب في الوقت الذي تتصاعد فيه الدعوات لمقاطعة المنتجات الأجنبية الداعمة لإسرائيل، وذلك احتجاجاً على جرائم الاحتلال الإسرائيلي ضد الشعب الفلسطيني.