مها أحمد.. أنا مش عايزة أبقى تريند أنا تريند لوحدي

كتبت - أميرة محمد 

كشفت الفنانة مها أحمد عن سبب تواجدها المستمر على تطبيق تيك توك، مشيرة إلى أنها لا تحصل على أي أعمال فنية منذ فترة طويلة.

وخلال بث مباشر لها على تطبيق تيك توك، قالت مها أحمد: "إحنا بنطلع عشان مش شغالين، في الوسط الفني، مش بنقدم أعمال، ولقينا مجال زي السوشيال ميديا، ولو أنا مثلًا بعمل مسرح ولو فيه عائلة سعودية أو كويتية بيجيبولي هدايا، وعندي أصدقاء يمنيين بيجبولي فضة وبقبل الهدايا، فهل أقبل الهدايا وأنا في المسرح أو السينما ومش هقبلها على اللايف؟ لا هقبلها، أنا حرة ومحدش له حاجة عندي".

وأضافت: "احنا داخلين تيك توك علشان نشتغل، وتبع الإدارة، أنا موظفة وبشتغل ولازم أشوف شغلي وأكل عيشي وبفكر الناس بيا والـ CV بتاعي وإني فنانة وموجودة حتى لو ماليش أعمال دلوقتي".

وأكدت مها أحمد أنها لا تسعى إلى الشهرة من خلال تيك توك، قائلة: "هرجع وأقول ربنا يشفي كل مبتلى أو مريض، قلة الدعم يمكن أن تتسبب في الاكتئاب وكل شخص يعبر عن حالة بطريقة مختلفة ممكن يطلع لايف ويبقي تريند، لكن فيه واحد من ضمن الناس المدمنة طلب مني افتعال خناقة مع بعض علشان يطلع ترند، رغم أنه عمل حاجة كسب بها تعاطف الناس وبقي ترند لكن أنا قلت له عيب مش للدرجة دي، أنا مش من الناس اللي ممكن تطلع تريند عشان خناقة مع حد أنا تريند لوحدي".

وتابعت مها أحمد انتقادها لهذا الشخص المجهول قائلة: "كل حد بيستخدمني عشان يطلع تريند هو حر، وإنك تقعد في اللايف والناس تشتمك بس تخلي الواحد حالته النفسية مش كويسة ويتصاب بالهلع وشتايم الناس وإني أسخر الأدمن اللي عندي يسجلوا كل اللايفات، ليه يعني؟".

وكانت مها أحمد قد تعرضت لانتقادات واسعة من قبل الجمهور بسبب تصرفاتها على تطبيق تيك توك، حيث تسببت في عدد من الأزمات، أبرزها وصف إحدى المتابعات بـ"الخادمة".

ولم تكن تلك الأزمة الوحيدة التي وقعت فيها مها أحمد مع الجمهور خلال الفترة الماضية، فقد تعرضت لانتقادات بعد ان شاركت في وقفة تضامنية نظمتها نقابة الممثلين وظهرت فيها بمكياج كامل، اعتبره البعض غير مناسب للحدث.