أحمد فهمي يتحدث عن حياته الشخصية في أول ظهور له بعد الانفصال

كتبت - أميرة محمد 

في حلقة جديدة من برنامج "ABtalks" الذي يقدمة الإعلامي أنس بوخاش، المذاع على موقع الفيديوهات الشهير يوتيوب، كشف الفنان أحمد فهمي عن رؤيته في الحياة بشكل عام، وعن أسباب عدم إنجابه حتى الآن.

قال أحمد فهمي: "في فرق ما بين تبقى مبسوط وما بين تبقى راضي، وممكن البني آدم يقعد سنتين يفكر فكرة غلط لغاية ما يكتشف إحنا بنضيع وقت لحد ما نموت".

وتابع أحمد فهمي: "لو حياتي فيلم هسميها سمك لبن تمر هندي، وأنا نفسيا متقلب جدًا على حسب المكان عشان كده ممكن الناس تشوفني غريب".  

وأضاف: "أنا بني آدم مش عايز حاجة أنا مش شخصية متطلعة، البني آدم اللي عايز دايما بيكون ضعيف مش قوي، فـ أنا حابب دائما إني مكنش عايز حاجة أو بمعنى أصح مش عايز حاجة من حد أنا متطلباتي بسيطة جدًا".

وأوضح أحمد فهمي، سبب عدم إنجابه حتى الآن قائلًا: "أنا متأخر في الخلفة لأن التعامل مع الطفل أخطر حاجة ممكنة.. ولو هوصف طفولتي هقول لا تراجع ولا استسلام، وطفولتي هي أهم حاجة، وبحب أجرب واستكشف ومعتبرش حاجة تضييع وقت، ولازم البني آدم يعرف يتعامل مع الطفل اللي جواه".