دينا: بحب أكل لحمة وسمك وحمام ماعدا الفراخ والبط

كتبت - أميرة محمد 

كشفت الفنانة دينا، عن الأكلات المفضلة لها، الأكلات التي لا يمكن الاقتراب منها، وذلك من خلال فيديو نشرته الإعلامية سهير جودة عبر حسابها بموقع "انستجرام".

وقالت دينا: "بحب أكل لحمة وسمك وحمام ماعدا الفراخ ومش بحب البط عشان بياكل أي حاجة من الأرض".

وأضافت: "باكل قلقاس وبطاطس وبامية ومش باكل سلطة ولا فاكهة ماعدا البطيخ وأحب الشيكولاتة والايس كريم".

وتابعت قائلة: "أنا بعمل كل حاجة في المطبخ وبعرف أطبخ كل الأصناف ومن أكتر الحاجات اللي بتسعدني وصحابي بيقولولي ان كباب الحلة بتاعي ملوش حل".

وفي وقت سابق، دافعت الفنانة دينا، عن نفسها بعد الانتقادات التي لاحقتها بعد نشرها صورة تجمعها بالفنان أحمد الفيشاوي.

وقالت دينا في تصريحات لبرنامج "et بالعربي": "الناس بقي عندهم في مخها توقعات دايما غريبة، بس إحنا زملاء وكنا عمالين بنهزر في الصور واحنا بنكشر، وقولنا لا نضحك في الصور بعد كده".

وتابعت: "الشخص الثالث اللي موجود معانا في الصورة هو مدير التصوير، هي الناس علقت بتعليقات سخيفة شوية، بس عادي ده المتوقع".