مني ذكي توجه رسالة إلى صناع فيلم "رحلة 404" 

وجهت النجمة مني ذكي رسالة شكر إلى فريق عمل فيلم " رحلة 404"، وذلك بالتزامن مع طرح بوسترات الشخصيات المشاركة في العمل. 

وكان ذلك عبر حسابها الشخصي بموقع تبادل الصور الشهير "أنستجرام" وقالت : "أحب أوجه الشكر لفريق فيلم "رحلة 404"

الرائع اللي استمتعت جدًا بالتعاون معاهم.. أنا حقيقي حبيت تجربتنا سوا، واستمتعت بيكم ومعاكم

وبمواهبكم الجبارة اللي أضافت لي وأضافت للفيلم ككل".

وتابعت : "شكرًا لزميلي النجم محمد فراج صاحب الموهبة الكبيرة، واللي قدمنا سوا أعمال ناجحة قبل كده،

ويارب الفيلم ده كمان يكون له نفس الحظ من نجاحنا المشترك..

وأيضًا زميلي العزيز محمد ممدوح (تايسون) اللي بحب وبحترم فنة وموهبته لأقصى درجة". 

وأكملت : "ووجوده كضيف شرف في الفيلم كان حاجة كبيرة أوي بالنسبة لي، وطبعًا النجم الكبير والممثل اللي دايما بنستمتع بحضوره خالد الصاوي".

وعلقت أيضًا : "وطبعًا الممثلة الرائعة شيرين رضا اللي نورت الفيلم بجد والمتميز للغاية محمد علاء.. وأكيد كل الشكر للسينارست الموهوب

محمد رجاء اللي كتب نص حقيقي مختلف وإنساني و بإبداع حقيقي، وأولًا وأخرًا شكرًا للأستاذ المخرج هاني خليفة

على مجهوده وإيمانه بالمشروع وتوجيهاته ورؤيته المهمة دايمًا".