حنين الشاطر في استضافتها الأولى : بابا جزء أساسي في مشواري

 

كتبت - فاطمة عاطف

 

حلت المطربة حنين الشاطر ضيفة على الإعلامية مني الشاذلي، في برنامجها "معكم"، الذي يذاع على قناة ON tv. 

 

ويعد هذا الظهور التليفزيوني الأول لها بعد فوزها بلقب "إكس فاكتور"، وذلك للحديث عن كواليس فوزها بالجائزة.

 

وذكرت حنين أن بداية شهرتها كانت من خلال الفيديوهات عبر مواقع التواصل الإجتماعي، من خلال فيديو ظهرت فيه مع والدها. 

قائلة: "كنا رايحين مشوار ودايما بسمع عبد الحليم حافظ أنا وبابا، فقلت له يلا نغنيها وتنزل فيديو، وفعلا صورناه ونزلته".

 

وتابعت : "فجأة لقيت الفيديو بقي تريند والناس بتطلب مني أغاني أقدمها ويسألوني عن بابا كمان.. بابا جزء أساسي في مشواري".

 

وقالت عند سؤالها عن مشاركتها في برنامج "إكس فاكتور": "مكنش عندي جرأة ادخل مسابقات.. بس بابا قالي جربي ليه لأ.. وأول ما دخت لقيت كل المشاركين عارفيني وده بسطني أوي".

 

كما قال والد حنين : "كانوا عايزنا نشارك بدويتو مع بعض، وأنا قولتلهم مش عايز ابقى السبب في خسارتها

كان حلمي زمان أكون مغني بس أنا كنت عايز "حنين" هى اللي تطلع، لأن الواحد لازم يبقى في ضهر ابنه ويزقه بإيده لفوق".

 

وأجابت عند سؤالها عن الجائزة التي حصلت عليها من البرنامج، وهي السيارة، وهل تسمح لأسرتها بركوبها،

قالت حنين: "العربية اللي عايز يركبها يركبها متغلاش عليهم.. أنا بس عشان خايفة عليها يقعد أقولهم خلوا بالكم.. لأنهم هاريين العربية التانية".