تامر أمين لاتحاد كرة القدم: هو انت خطيبتي؟

كتبت - نورهان الكردي

علق الإعلامي "تامر أمين" من خلال برنامجه "أخر النهار" على قناة "النهار" على بيان اعتذار اتحاد كرة القدم المصري على خروج المنتخب المصري من كأس الأمم الأفريقية. 

جاء تعليق الإعلامي تامر أمين على اعتذار اتحاد كرة القدم، قائلًا :"يعني إيه اتحاد الكورة بيعتذر ؟ هو أنت خطيبتي ؟".

وأردف متسائلًا عن اعتذار الاتحاد.. وعلق :"يعتذرلي على إيه هو اللي بينا مشاعر وعلاقات وهو عمل حركة مش لطيفة فيا وبيعتذرلي ؟".

وأشار إلى أداء المنتخب المتخاذل خلال المباريات..مضيفًا: "دا اسمه تقصير وفشل، الفشل يبقى نهايته الاعتذار ؟ لا الرحيل.. دا بيان بكش في بكش".

تعليق الإعلامي تامر أمين على خروج محمد صلاح:

وأضاف.. مشيرًا إلى تناقض الجمهور الكروي بين ردة فعله على خروج الشناوي وردة فعله على صلاح، وعلق :

"أولًا اللي حصل من محمد الشناوي ومغادرته معسكر المنتخب للإصابة مثل واقعة صلاح..

خلى الناس تقول ما الشناوي مشي وساب المنتخب ومحدش اتكلم، أمال إحنا كنا بنهاجم صلاح ليه؟".

وتابع ..موضحًا : "ثانيًا اللي قالك صلاح يرجع على النهائي وميلعبش، أديك خرجت ولا..

حصلت نهائي وقبل نهائي باباي قبل ما صلاح يتعافى من إصابته".

واستطرد ..مدافعًا عن وطنية محمد صلاح : "أي حد شكك في وطنية محمد صلاح..

عليه أن يراجع وطنيته هو، تشكيك في صلاح وتخوينك له، معناه إنك مش بتحب بلد بالقدر الكافي".

واختتم حديثه بمدح اللاعب المصري محمد صلاح..قائلًا: "لأن صلاح من رموز وشهر وسمعة بلدك، فلما انت تبقى عايز توقع ده يبقى مشكلة في حبك لبلدك".