"حريق بالمنزل واصطدامها في سيارة نقل"...ياسمين علي تكشف عن تعرضها لـ حادث أليم

كتبت _ هيام علي

كشفت المطربة الشابة ياسمين علي، عن تفاصيل تعرض منزلها لحريق نتيجة حدوث ماس كهربي، و وجهت رسالة خاصة لـ كل حاسد وشخص غير راضي بقضاء الله.

وشاركت الفنانة ياسمين علي مع متابعيه، صورة لمكان نشوب الحريق بالمنزل، وذلك عبر حسابها الرسمي على موقع التواصل الإجتماعي "فيسبوك"، وعلقت عليها قائية: "مابحبش الطاقة السلبية والله بس أعمل إيه طيب.. هاحكيلكم حاجة صغننة إمبارح الساعه 2 بليل من العادة ببقى قاعدة مع بابا وماما ويحيي بنتفرج على التليفزيون قمت عشان أروح أوضتي أنام، ودخلت الأوضة قعدت دقيقه شامة ريحة بلاستيك محروق ومش فاهمه الريحة جاية من فين فجأة بدون مقدمات وربنا عالم باللي هاقوله .. لقيت السقف علي وسعه مولع نار كله بمعني الكلمة وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه".

وأضافت: كل ده ف لحظات اتاري الجار من فوق في مية بتنزل من عنده عالسقف عندنا فعملت ماس فالكهرباء وحصلت النار اللي شوفتها دي".

وأردفت: "لو ماكنتش دخلت الأوضة في التوقيت اللي روحت فيه الله أعلم كان حصل إيه.. وقبلها بكام يوم كنا لسه عاملين حادثه بالعربية مع عربية نقل كبيرة ".

واختتمت ياسمين علي رسالتها، وقالت: "فما تنخدعوش بالضحك اللي بضحكه.. كل واحد له فيلم عايشه، وأحمدوا ربنا علي كل لحظة أمان إنتوا عايشينها بدون ترويع وعدم ستر وماتبصوش لحياة حد أبدا من بره".

آخر أعمال النجمة ياسمين علي

ويذكر أن، آخر أعمال الفنانة ياسمين علي، مشاركتها بغناء تتر مسلسل "الضاحك الباكي"، الذي يعرض حصريا على شاشات التليفزيون، وخاض بطولته كلا من: النجم عمرو عبد الجليل، والنجمة رزان مغربي، مصطفى شوقي، والفنانة القديرة فردوس عبد الحميد، وغيرهم من الفنانين، والعمل من تأليف محمد الغيطي، ومن خراج محمد فاضل، وإنتاج شادي أبو شادي، وكريم أبو شادي.