إبراهيم سعيد يهاجم محمد صلاح.. الحاجات الى بتحصل دي عيب انا كابتنك

 كتبت: ساره محمود

فتح إبراهيم سعيد نجم منتخب مصر ونجم النادي الأهلي السابق، هجوم ناري علي النجم

المصري محمد صلاح لاعب ليفربول الانجليزي، ويؤكد ان نجم الدوري الانجليزي يقوم بحمله ضده.

وصرح إبراهيم سعيد عبر قناه النهار: محمد صلاح بيلعب معايا لعبه، وانا بحب المباريات، ودي لعبتي وفي مواقف كتير بتأكد

انو شغال دماغو بيا، وهو لو حطني في دماغو ممكن يبعد شويه.

واضاف: الرزق دا بتاع ربنا، الحاجات اللي بتحصل دي عيب، واللي بتعمله بيوصلني، لما

اتكلمت عليك اتكلمت في مواقف منتخب مصر، متكلمتش عن محمد صلاح بتاع ليفربول.

وتابع: الأساليب اللي بتحصل معايا مش كره بس مش مشكله انا معاك، وحاول مره تانيه وثالثه

ورابعه، وممكن تكسب وممكن تخسر بس انا بحب اتعامل في الحاجات دي بطريقه افضل.

واكمل: انت مستغرب ان إبراهيم سعيد بينتقدك، اها بنتقدك، انا كابتنك، وموضوع انك تلعب

اللعب دا مش حلو لأنك مش فوق النقد، ومن مصلحه الكره المصريه انك تتعرض للنقد.

وواصل: اكتر واحد وقف معاك هو إبراهيم سعيد، وانت عارف ومتأكد لان مافيش حاجه

بتفوتها، وبتابع كل حاجه وسيبك من كلام مش بتابع، انت بتابع كل حاجه.

وتابع: انت مفرحتش الشعب المصري، وانا نفسي اشوفك رافع كأس أمم أفريقيا، زي ما

بتتصور بالحذاء والدروع مع ليفربول، لأن دا انجاز شخصي ليك مع منتخب مصر.

واكمل: احنا بنتكلم معاك هنا عشان منتخب مصر، وانا عارف ان انت ممكن يكون معندكش

الاحساس بتاع منتخب مصر، عشان مش مركز مع المنتخب، ومش عاوز حد ينتقدك.

واتم: انا نفسي اشوف محمد صلاح بتاع زمان المتواضع اللي كان ماسك المصحف في ايده،

وسيبك من الكتب والحاجات اللي بتنزلها دي مابتأكلش عيش، عاوز اشوف محمد صلاح اللي بيقد كل الناس.