تامر حسني يشارك عددًا من الصور يستعيد بها ذكرياته 

 

كتبت - فاطمة عاطف

 

شارك النجم تامر حسني، عددًا من الصور التي يستعيد من خلالها ذكريات أبرز الفيديو كليبات التى قدمها، وذلك من خلال حسابه الرسمي على موقع تبادل الصور الشهير "أنستجرام".

 

وعلق تامر حسني على الصور قائلًا : "صباح الفل على الكل .. عندي صور لطيفة منزلتش ليا من شغل قبل كدة، حبيت أشارككم بيها وكل كام يوم هنزل منها..وبالمرة أعرف مين الشطار اللى هيعرفوا الصور دي من أي عمل ليا".

كما علق "حسني" على تصريحات تركي آل الشيخ بتحقيق فيلم "بحبك" عام 2022، إيرادات بلغت مليار جنيه فى المملكة العربية السعودية.

وقال تامر عبر صفحته الرسمية :"خالص الشكر لمعالي المستشار تركي آل الشيخ، نصرتني يابو ناصر". 

وتابع :"بعيدًا طبعًا عن أن الرقم ده بيروح لموزعين الخارج عشان محدش يفتكر أن المنتج أو الأبطال بياخدوا الرقم ده، لأ ده رقم بيتوزع على موزعين الخارج في العالم كله و الفنان له أجر ثابت".

وأكمل :"المهم، الكثير كان بيشكك، في إيراداتي وكتير انتقدوا الفيلم قبل ما ينزل لمجرد إنه تأليفي و إخراجي و موسيقتي التصويرية".

 

واستطرد :"كنت مأجل بوست احتفالي معاكوا بنجاح فيلم بحبك اللي عدا عليه سنتين حتى تعلن الجهه المختصة عن رقمه القياسي، تيجي بقى من أبو ناصر نفسه أمام العالم كله، ليثبت أن كان كلامي صح و أني مش بقول غير الحق ولا مضطر أقول غير الحق".

 

كما قال :"و طبعًا ده غير إيرادات الفيلم في مصر و باقي دول العالم، كل الشكر للجمهور الطيب الغالي في مصر و السعودية و الوطن العربي كله و العالم شكرًا لكل أبطال العمل و صُناعُه و منتجينه اللي صدقوني و دايمًا في ضهري".

 

واختتم حديثه قائلًا :"شكرًا معالي المستشار تركي آل الشيخ، نورت مصر بلدك الثانية، بجد أنا دلوقتي أقدر أحتفل معاكم بنجاح اول فيلم من إخراجي، الحمد لله".